ખંભાળિયામાં આજરોજ મંગળવારે અહીંના જાણીતા રઘુવંશી સદગૃહસ્થ સ્વ. વલ્લભદાસ મોહનલાલ વિઠલાણી પરિવાર દ્વારા અત્રે બેઠક રોડ ઉપર આવેલી શેઠ વી.ડી. બરછા નવી લોહાણા મહાજન વાડી ખાતે રઘુવંશી જ્ઞાતિના સમૂહ પ્રસાદ (નાત)નું આયોજન કરવામાં આવ્યું છે.  

રઘુવંશી જ્ઞાતિના સમૂહ ભોજનના આ આયોજનમાં આજે સાંજે 6 થી 8:30 વાગ્યા સુધી બહેનો માટે તેમજ રાત્રે 8:30 થી 10:30 વાગ્યા સુધી ભાઈઓ માટે પ્રસાદ સહિતના આયોજન માટે લોહાણા મહાજન ટ્રસ્ટના નેજા હેઠળ રઘુવંશી જ્ઞાતિના કાર્યકરો ભાઈઓ-બહેનો માટે નોંધપાત્ર જહેમત ઉઠાવવામાં આવી રહી છે.