Paris Olympics 2024: સિંગલ્સમાં મનિકા બત્રાની સફર સમાપ્ત, પ્રી-ક્વાર્ટર ફાઇનલમાં મળી હાર

  • July 31, 2024 11:45 PM 
Aajkaal Daily (Desh Pardesh Ni Aajkaal)

પેરિસ ઓલિમ્પિક-2024નો પાંચમો દિવસ ભારત માટે સારો રહ્યો છે. શૂટિંગમાં, સ્વપ્નિલ કુસલે મેન્સ 3 પોઝિશન રાઇફલની ફાઇનલમાં જગ્યા બનાવી છે અને મેડલ માટે દાવો કર્યો છે. ટેબલ ટેનિસમાં ભારતને વધુ એક મોટી સફળતા મળી છે. શ્રીજા અકુલાએ પ્રી-ક્વાર્ટર ફાઇનલમાં પ્રવેશ કરી લીધો છે અને તે ત્યાં પહોંચનારી બીજી ભારતીય ખેલાડી છે.


બેડમિન્ટનમાં પીવી સિંધુ અને લક્ષ્ય સેને પોતપોતાની મેચોમાં મેડલ જીતવાની દિશામાં આગળ વધ્યા છે. પીવી સિંધુને પોતાની મેચ જીતવામાં વધારે મુશ્કેલીનો સામનો કરવો પડ્યો ન હતો. લક્ષ્યને જોનાથન ક્રિસ્ટી સામેની પ્રથમ ગેમમાં સંઘર્ષ કરવો પડ્યો હતો. તીરંદાજીમાં દીપિકા કુમારીએ ફરી નિરાશ કર્યા છે. ટોક્યો ઓલિમ્પિક્સ-2020 બ્રોન્ઝ મેડલ વિજેતા મહિલા બોક્સર લોવલિના બોર્ગોહેનને જોકે તેની મેચ જીતવામાં કોઈ સમસ્યાનો સામનો કરવો પડ્યો ન હતો.


મનિકા બત્રાની હાર

ભારતની સ્ટાર ટેબલ ટેનિસ ખેલાડી મનિકા બત્રાની સફર સિંગલ્સ ઈવેન્ટમાં સમાપ્ત થઈ ગઈ છે. તેને આજે પ્રી-ક્વાર્ટર ફાઇનલમાં જાપાનની મિયુ હિરાનોના હાથે 4-1થી હારનો સામનો કરવો પડ્યો હતો.


અનુષ અગ્રવાલ ગેમમાંથી થયા બહાર

ઘુડસવારી: અનુષ અગ્રવાલ ગ્રૂપ સ્ટેજ ઈવેન્ટમાં તેના ગ્રૂપમાં 9મું સ્થાન મેળવ્યા બાદ પેરિસ ઓલિમ્પિક 2024 માંથી બહાર થયા છે. અગ્રવાલે તેના પાર્ટનર સર કાર્મેલો ઓલ્ડ સાથે 66.444નો સ્કોર કર્યો હતો.



લાઈક અને ફોલો કરો અમારું ફેસબુક પેજ FACEBOOK - AAJKAALDAILY


ફોલો કરો અમારું ઇન્સ્ટાગ્રામ INSTAGRAM - AAJKAALDAILY


સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY


મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં  99251 12230  

View News On Application