કસ્ટમ વિભાગે દિલ્હી એરપોર્ટ પર સોનાની દાણચોરીના કેસમાં બે લોકોની ધરપકડ કરી છે. તેમાંથી એકે પોતાને કોંગ્રેસના સાંસદ શશિ થરૂરના અંગત મદદનીશ (પીએ) ગણાવ્યા છે. કસ્ટમ અધિકારીઓએ બંને વ્યક્તિઓ પાસેથી લગભગ 500 ગ્રામ સોનું રિકવર કર્યું છે. જો કે આ મામલે શશિ થરૂરે પણ પોતાની વાત રજુ કરી હતી. તેણે કહ્યું છે કે દાણચોરીમાં પકડાયેલો વ્યક્તિ હાલમાં તેની સાથે કામ કરતો નથી.
દિલ્હી કસ્ટમ વિભાગે શંકાના આધારે દિલ્હી એરપોર્ટ પર બે લોકોની તલાશી લીધી હતી. તલાશી દરમિયાન બંને પાસેથી 500 ગ્રામ જેટલું સોનું મળી આવ્યું હતું. ધરપકડ કરાયેલા એક વ્યક્તિની ઓળખ શિવ કુમાર તરીકે થઈ છે. શિવ કુમારે દાવો કર્યો છે કે તેઓ કોંગ્રેસના નેતા શશિ થરૂરના પીએ છે. કસ્ટમ અધિકારીઓ આરોપીની વધુ પૂછપરછ કરી રહ્યા છે.
આ મામલે કસ્ટમ વિભાગનું નિવેદન પણ સામે આવ્યું છે. વિભાગે કહ્યું છે કે શંકાના આધારે આઈજીઆઈ એરપોર્ટ પર એક વ્યક્તિ વિરુદ્ધ સોનાની દાણચોરીનો કેસ નોંધવામાં આવ્યો છે. તે 29 મેના રોજ બેંગકોકથી ફ્લાઇટ TG-323માં દિલ્હી પહોંચ્યો હતો. તપાસમાં અન્ય વ્યક્તિની સંડોવણી બહાર આવી હતી. તે પેસેન્જરને લેવા માટે એરપોર્ટ પર આવ્યો હતો અને દાણચોરીમાં પણ મદદ કરી હતી. તપાસ કરતાં 500 ગ્રામ વજનની સોનાની ચેઈન મળી આવી હતી. તપાસમાં જાણવા મળ્યું કે આરોપી પાસે માન્ય એરપોર્ટ પર એન્ટ્રી માટેની પરમિટ હતી. સંસદના સભ્યો માટેની પ્રોટોકોલ ટીમના ભાગરૂપે એરોડ્રોમ પ્રવેશ પરમિટ મેળવનારની તપાસ કરવામાં આવી રહી છે. જે સોનું જપ્ત કરવામાં આવ્યું છે તેની કિંમત 35.22 લાખ રૂપિયા છે.
આ દરમિયાન કોંગ્રેસ નેતા શશિ થરૂરે સોશિયલ મીડિયા પ્લેટફોર્મ X પર સ્પષ્ટતા જારી કરી છે. શશિ થરૂરે કહ્યું છે કે તેઓ ચૂંટણી પ્રચાર માટે ધર્મશાળામાં છે. ત્યારે તેમને પોતાના ભૂતપૂર્વ સ્ટાફની ધરપકડ સાથે સંકળાયેલી ઘટના વિશે સાંભળીને તે ચોંકી ગયા હતા. ધરપકડ કરાયેલ વ્યક્તિએ તેમની સાથે એરપોર્ટ સુવિધા સહાયક તરીકે પાર્ટ ટાઇમ કામ કર્યું હતું.
દિલ્હી એરપોર્ટ પર અટકાયતમાં લેવાયેલા વ્યક્તિ વિશે વધુ વિગતો આપતા શશિ થરૂરે કહ્યું, 'તે 72 વર્ષીય નિવૃત્ત વ્યક્તિ છે, જે નિયમિતપણે ડાયાલિસિસ કરાવે છે. તે વ્યક્તિની દયા ખાઈને પાર્ટ ટાઈમ ધોરણે નોકરી પર રાખવામાં આવ્યો હતો. શશિ થરૂરે કહ્યું હતું કે હું કોઈપણ ખોટા કામને સમર્થન આપતો નથી. આ મામલાની તપાસ માટે જરૂરી પગલાં લેવા માટે અધિકારીઓના પ્રયાસોને હું સંપૂર્ણ સમર્થન આપું છું.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationકેશોદ-મુંબઈ વિમાની સેવા બંધ થતાં વેપારીઓ અને પર્યટન ક્ષેત્રને ફટકો, પુનઃ શરૂ કરવાની માગ
April 03, 2025 09:09 PMઅમેરિકામાં તોફાનથી ભયંકર તબાહી, લાખો ઘરોની વીજળી ગુલ, પૂર આવવાનો પણ ખતરો
April 03, 2025 09:07 PMલંડનથી મુંબઈ આવી રહેલી ફ્લાઈટ ટર્કી પહોંચી, 200થી વધુ ભારતીયો 15 કલાકથી ફસાયા, જાણો શું છે કારણ
April 03, 2025 09:05 PM4 એપ્રિલની ગાંધીધામ-પાલનપુર-ગાંધીધામ એક્સપ્રેસ આંશિક રીતે રદ રહેશે
April 03, 2025 09:02 PMCopyright © 2023-2024 Aajkaal Daily
Developed by Rhythm Infotech