જાણવા મળતી વિગતો મુજબ, છેલ્લા થોડા સમયથી શહેરમાં ખાસ કરીને મોટી ઉંમરના મહિલાઓને નિશાન બનાવી ચીલઝડપની ઘટનાઓ સતત વધી રહી હતી જેથી આવી ઘટનાઓ અટકાવવા માટે અને આ પ્રકારના ગુના આચરનારને ઝડપી લેવા ઉચ્ચ પોલીસ અધિકારીઓના આદેશના પગલે ડીસીપી ક્રાઈમ ડો. પાર્થરાજસિંહ ગોહિલ, એસીપી ક્રાઇમ બી.બી.બસીયાના માર્ગદર્શન હેઠળ ક્રાઈમ બ્રાન્ચ પીઆઇ એમ.આર. ગોંડલીયા, એમ.એલ. ડામોરની રાહબરીમાં પીએસઆઇ એ.એન.પરમાર, એમ.કે.મોવાલિયા અને વી.ડી.ડોડીયા તથા તેમની ટીમ દ્વારા અલગ અલગ દિશાઓમાં તપાસ શરૂ કરવામાં આવી હતી.
દરમિયાન એસઆઇ જલદીપસિંહ વાઘેલા, હેડ કોન્સ્ટેબલ રાજેશભાઈ જળુ, કોન્સ્ટેબલ ગોપાલભાઈ પાટીલ, તુલસીભાઈ ચુડાસમાને મળેલી હકીકતના આધારે તરખાટ મચાવનાર આ સમડીને ઝડપી લીધી હતી. ઝડપાઈ આ બેલડીના નામ સુનિલ ઉર્ફે આર્યા ભાવેશભાઈ શીયાળ(ઉ.વ 21) અને જીતેશ ઉર્ફે જીની નરેશભાઈ દુધરેજીયા(ઉ.વ 19 રહે. બંને લોહાનગર, ગોંડલ રોડ) હોવાનું માલુમ પડ્યું હતું. પોલીસે આ બેલડી પાસેથી ત્રણ સોનાના ચેન, એક ચેનનો કટકો બાઈક અને આઇફોન સહિત 4,52,500 નો મુદ્દામાલ કબજે કર્યો હતો.
પોલીસે આ બેલડીની પૂછતાછ કરતા જાણવા મળ્યું હતું કે, આ બંને શખસો ખાસ કરીને સાંજના સમયે વોકિંગમાં નીકળેલા અથવા એકલા જ હતા વૃદ્ધાને મહિલાઓને ટાર્ગેટ કરી તેમના ગળામાંથી ચીનની ચીલઝડપ કરી લેતા હતા બંને શખસોની પૂછતાછમાં રાજકોટ તાલુકા પોલીસ સ્ટેશનમાં નોંધાયેલા બે અને યુનિવર્સિટી પોલીસ સ્ટેશનમાં નોંધાયેલા ત્રણ ગુનાનો ભેદ ઉકેલાયો હતો. આ ઉપરાંત આ બેલડીએ 20 દિવસ પૂર્વે રામકૃષ્ણનગર વેસ્ટમાં એકટીવા લઈ જઈ રહેલા મહિલાના ગળામાંથી ઝોંટ મારતાં ચેનનો ટુકડો લઈ લીધો હતો. જ્યારે હનુમાન મઢી વિસ્તાર પાસે 20 દિવસ પૂર્વે વૃદ્ધાના ગળામાંથી ચેનની ચીલઝડપ કરી હતી તથા એરપોર્ટ ફાટક પાસે ચુડાસમા પ્લોટ નજીકથી 25 દિવસ પૂર્વે વૃદ્ધાના ગળામાંથી ચેનની ચીલઝડપ કરી હોવાની કબુલાત આપી હતી.
પોલીસે વિશેષમાં જણાવ્યું હતું કે, બંને આરોપીઓ દારૂ - ગાંજો સહિતના વ્યસની છે આરોપી સુનિલ ઉર્ફે આર્યાની પત્ની હાલ સગર્ભા હોય અને તેની સારવારમાં પૈસા ખર્ચ થઈ જતા આર્થિક ખેંચ દૂર કરવા માટે તેણે પોતાના મિત્ર જીતેશ ઉર્ફે જીની સાથે રાખીને ચિલઝડપના બનાવને અંજામ આપ્યો હતો. આરોપીઓને ઝડપી લેવાની આ કામગીરીમાં ક્રાઈમ બ્રાન્ચના સ્ટાફમાં એએસઆઇ હરદેવસિંહ જાડેજા, અશોકભાઈ કલાલ, રણજીતભાઈ પઢારીયા, હેડ કોન્સ્ટેબલ કૃષ્ણદેવસિંહ ઝાલા, વિજયરાજસિંહ જાડેજા, હરસુરભાઇ સબાડ, દીપકભાઈ ચૌહાણ, સંજયભાઈ રૂપાપરા, સુભાષભાઈ ઘોઘારી, કોન્સ્ટેબલ પ્રદિપસિંહ જાડેજા, સંજયભાઈ ખાખરીયા, યુવરાજસિંહ ઝાલા, મોહીરાજસિંહ ગોહિલ, વિશાલભાઈ દવે સાથે રહ્યા હતા.
સુનીલ સામે હત્યાનો પ્રયાસ લૂંટ સહિતના ગુના
ચીલઝડપના ગુનામાં ઝડપાયેલા આરોપી સુનિલ ઉર્ફે આર્યન સામે અગાઉ રાજકોટના કુવાડવા રોડ પોલીસ સ્ટેશનમાં વાહન ચોરી, આજીડેમ પોલીસ સ્ટેશનમાં લૂંટ, માલવીયાનગરમાં ચોરી, જામનગરમાં ચોરી તથા રાજકોટના એ ડિવિઝન પોલીસ સ્ટેશનમાં હત્યાનો પ્રયાસ સહિતના છ ગુના નોંધાઈ ચૂક્યા છે. વર્ષ 2023 માં તેની રાજકોટમાં પાસા હેઠળ અટકાયત કરવામાં આવી હતી. જ્યારે આરોપી જીતેશ રૂપે જીની સામે ભક્તિનગર પોલીસ સ્ટેશનમાં ચોરીનો ગુનો નોંધાઈ ચૂક્યો હોવાનું જાણવા મળ્યું છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationકેશોદ-મુંબઈ વિમાની સેવા બંધ થતાં વેપારીઓ અને પર્યટન ક્ષેત્રને ફટકો, પુનઃ શરૂ કરવાની માગ
April 03, 2025 09:09 PMઅમેરિકામાં તોફાનથી ભયંકર તબાહી, લાખો ઘરોની વીજળી ગુલ, પૂર આવવાનો પણ ખતરો
April 03, 2025 09:07 PMલંડનથી મુંબઈ આવી રહેલી ફ્લાઈટ ટર્કી પહોંચી, 200થી વધુ ભારતીયો 15 કલાકથી ફસાયા, જાણો શું છે કારણ
April 03, 2025 09:05 PM4 એપ્રિલની ગાંધીધામ-પાલનપુર-ગાંધીધામ એક્સપ્રેસ આંશિક રીતે રદ રહેશે
April 03, 2025 09:02 PMCopyright © 2023-2024 Aajkaal Daily
Developed by Rhythm Infotech