જમ્મુ-કાશ્મીરના કઠુઆના જસરોટામાં જનસભાને સંબોધિત કરતી વખતે કોંગ્રેસના રાષ્ટ્રીય અધ્યક્ષ મલ્લિકાર્જુન ખડગેની તબિયત લથડી હતી. જ્યારે તેઓ ભાષણ આપી રહ્યા હતા ત્યારે તેમની તબિયત બગડતા તેમને સ્ટેજ પરથી હટાવી દેવામાં આવ્યા હતા. બાદમાં તેમણે કહ્યું કે અમે રાજ્યનો દરજ્જો પુનઃસ્થાપિત કરવા માટે લડીશું. હું 83 વર્ષનો છું, હું આટલી જલ્દી મરવાનો નથી. જ્યાં સુધી પીએમ મોદી સત્તામાંથી બહાર નહીં થાય ત્યાં સુધી હું જીવતો રહીશ.
તેમણે કહ્યું કે લોકો (કેન્દ્ર સરકાર) ક્યારેય ચૂંટણી કરાવવા માંગતા નથી. જો તે ઈચ્છતા હોત તો તે એક-બે વર્ષમાં આ કામ કરી શકયા હોત. સુપ્રીમ કોર્ટના આદેશ બાદ તેમણે ચૂંટણીની તૈયારી શરૂ કરી દીધી હતી.
ભાજપ પર પ્રહાર કરતા ખડગેએ કહ્યું કે તેઓ લેફ્ટનન્ટ ગવર્નર દ્વારા રિમોટ કંટ્રોલ સરકાર ચલાવવા માંગે છે. પીએમ મોદીએ છેલ્લા 10 વર્ષમાં ભારતના યુવાનોને કંઈ આપ્યું નથી. શું તમે એવી વ્યક્તિ પર વિશ્વાસ કરી શકો છો જે 10 વર્ષમાં તમારી સમૃદ્ધિ પાછી ન લાવી શકે? જો ભાજપનો કોઈ નેતા તમારી સામે આવે તો તેને પૂછો કે તે સમૃદ્ધિ લાવ્યા છે કે નહીં...”
પીએમ મોદી પર પ્રહાર કરતા ખડગેએ કહ્યું કે નરેન્દ્ર મોદી કહેતા હતા કે તેઓ દર વર્ષે 2 કરોડ નોકરીઓ આપશે, વિદેશમાંથી કાળું નાણું લાવશે, દરેકના ખાતામાં 15-15 લાખ રૂપિયા આવશે, નરેન્દ્ર મોદી આ વચનો પૂરા કરી શક્યા નથી.
જનતા ક્યારેય માફ નહીં કરે
તેમણે કહ્યું કે જૂઠું બોલનાર વ્યક્તિને જનતા ક્યારેય માફ કરતી નથી. જમ્મુ-કાશ્મીરના લોકો પણ નરેન્દ્ર મોદીને ક્યારેય માફ નહીં કરે.
કોંગ્રેસ અધ્યક્ષે કહ્યું કે ભાજપે જમ્મુ-કાશ્મીરની જનતાને ઘણા વચનો આપ્યા, પરંતુ તેમણે કશું કર્યું નહીં. હવે અમિત શાહ કહે છે કે અમે 5 લાખ નોકરીઓ આપીશું પરંતુ સવાલ એ છે કે તમે 10 વર્ષમાં શું કર્યું, તમે નોકરી કેમ ન આપી?
તેમણે કહ્યું કે જમ્મુ-કાશ્મીરમાં 65% સરકારી પદો ખાલી છે, તમે આટલા વર્ષોમાં આ પદો કેમ ભર્યા નથી? વાસ્તવિકતા એ છે કે તેઓ માત્ર લોકોને ગેરમાર્ગે દોરવા માગે છે.
જમ્મુ-કાશ્મીરમાં 1 ઓક્ટોબરે અંતિમ તબક્કાનું મતદાન
તેમણે કહ્યું કે જમ્મુ-કાશ્મીરમાં 1લી ઓક્ટોબરે અંતિમ તબક્કાની ચૂંટણી યોજાવા જઈ રહી છે, જેમાં તમે બધા જમ્મુ-કાશ્મીરનું ભાગ્ય લખવાના છો. મારી અપીલ છે કે તમે અમારા ઉમેદવાર ઠાકુર બલબીર સિંહજીને જંગી બહુમતીથી જીતાડો. જમ્મુ-કાશ્મીરમાં બે તબક્કાનું મતદાન પૂર્ણ થઈ ગયું છે અને ત્રીજા તબક્કાની ચૂંટણી 1 ઓક્ટોબરે છે. 1 ઓક્ટોબરના મતદાન પહેલા તમામ રાજકીય પક્ષોએ પોતાની તમામ તાકાત લગાવી દીધી છે અને જોરશોરથી પ્રચાર કરી રહ્યા છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationજામનગર મહાનગરપાલિકાની એસ્ટેટ શાખા દ્વારા ગુલાબનગર રોડ પર કરાયેલ ગેરકારે દબાણ દૂર કરવામાં આવ્યું
April 04, 2025 06:36 PMઅમદાવાદમાં વકફ સુધારા બિલનો વિરોધ, ‘સરમુખત્યારશાહી નહીં ચાલે’ના સુત્રોચ્ચાર, 50ની અટકાયત
April 04, 2025 05:52 PMઘરે જ સ્ટીમ ફેશિયલથી મેળવો ચમકતી ત્વચા, નહિ રહે પાર્લરમાં જવાની જરૂર
April 04, 2025 05:06 PMઈંડા અને તેલ વગર આ 5 રીતથી બનાવો મેયોનીઝ
April 04, 2025 04:56 PMCopyright © 2023-2024 Aajkaal Daily
Developed by Rhythm Infotech