ઉછરતા બાળકોને યોગ્ય વિકાસ માટે પોષણની જરૂર હોય છે પરંતુ આજકાલ બાળકો ઘરનું ઓછું રાંધેલું અને બહારથી વધુ મસાલેદાર ખોરાક પસંદ કરે છે. બહારનો ખોરાક વધુ પડતો ખાવો એ બાળકોના સ્વાસ્થ્ય માટે સારું નથી. તેથી, હંમેશા બાળકોને તંદુરસ્ત ખોરાક ખવડાવવો જોઈએ. માતાપિતા ખાસ કરીને માતા, તેમના બાળકના ખોરાકને લઈને હંમેશા ચિંતિત રહે છે.

ઘણા બાળકો રોટલી બહુ ઓછી ખાય છે અને તેના બદલે બ્રેડ ખાવાનું પસંદ કરે છે પરંતુ બાળકો માટે ઘરે જ હેલ્ધી સેન્ડવીચ બનાવી શકો છો. જાણો બ્રેડનો ઉપયોગ કર્યા વિના કેવી રીતે ટેસ્ટી અને હેલ્ધી સેન્ડવિચ બનાવી શકો છો.

સોજી સેન્ડવિચ

તેને બનાવવા માટે 2 કપ સોજી, 1/3 કપ દહીં, 2 બારીક સમારેલી ડુંગળી, ઝીણા સમારેલા કેપ્સીકમ, ઝીણા સમારેલા ટામેટાં, બારીક સમારેલા ગાજર, બારીક સમારેલા લીલા મરચા, સ્વાદ મુજબ મીઠું, 1 કપ પાણીની જરૂર પડશે.

તૈયારી પદ્ધતિ

તેને બનાવવા માટે સોજીમાં દહીં અને પાણી ઉમેરીને સારી રીતે મિક્સ કરો અને તેને 15 મિનિટ માટે છોડી દો, ત્યારબાદ તેમાં બારીક સમારેલા શાકભાજી અને મીઠું મિક્સ કરીને પેસ્ટ તૈયાર કરો. હવે આ પેસ્ટને સેન્ડવીચ મેકરમાં નાખો અને બનવાની રાહ જુઓ. સોજી સેન્ડવિચ તૈયાર છે.  હવે તેને મનપસંદ ચટણી સાથે ટ્રાય કરો. જો ઈચ્છો તો તેમાં ચીઝ પણ ઉમેરી શકો છો.

પીઝ સેન્ડવીચ

તેને બનાવવા માટે 1 કપ વટાણા, મુઠ્ઠીભર કોથમીર, 2 બારીક સમારેલા લીલા મરચાં, 1 ઈંચ આદુનો ટુકડો, 1/4 કપ પાણી, સ્વાદ મુજબ મીઠું, 1 ટેબલસ્પૂન જીરું, 1 ટીસ્પૂન હળદર, 1 કપ રવો, 1/4 કપ દહીં, 1 ચમચી ઈનો, 2 ટેબલસ્પૂન પાણી, 1 ટેબલસ્પૂન બટર, ચીઝ, બારીક સમારેલા શાકભાજી જેમ કે કેપ્સિકમ, ટામેટા, ડુંગળી અને પસંદગી મુજબ શાકભાજીનો ઉપયોગ પણ કરી શકો છો.

તૈયારી પદ્ધતિ

એક ગ્રાઇન્ડરમાં વટાણા, ધાણાજીરું, લીલા મરચાં, આદુ અને પાણી ઉમેરીને પીસીને પેસ્ટ બનાવો. હવે તેને એક બાઉલમાં કાઢી લો. જીરું, હળદર, મીઠું, સોજી, દહીં ઉમેરીને બરાબર મિક્ષ કરી લો. એ પછી તેને ભીના કપડાથી ઢાંકીને 10-15 મિનિટ માટે છોડી દો. પાણી સાથે ઈનો ઉમેરો અને સારી રીતે મિક્સ કરો, હવે સેન્ડવીચ મેકરને ગરમ કરો અને તેના પર બટર લગાવો. તેમાં ચમચા વડે વટાણાનું મિશ્રણ ઉમેરો અને ઉપર ચીઝ અને શાકભાજી ઉમેરો. પછી ઉપરથી થોડું વધુ વટાણાનું મિશ્રણ ઉમેરો અને તેને બંધ કરો. પેસ્ટમાં બારીક સમારેલા શાકભાજીને પણ મિક્સ કરી શકો છો. દરેક બાજુ 3-4 મિનિટ સુધી અથવા સેન્ડવીચ સંપૂર્ણ રીતે રાંધીને ગોલ્ડન બ્રાઉન થાય ત્યાં સુધી પકાવો. સ્લાઈસ કત કરો. તેને ટિફિનમાં કેચપ, માયો, લીલી ચટણી સાથે પેક કરો અને ખાઓ.