કેબીનેટ મંત્રીઓ અને અન્ય નગરપાલીકાઓમાં સ્થાનિક આગેવાનોને સાથે રાખીને કર્યો પ્રચાર

હાલારની 5 નગરપાલીકાઓમાં સાંસદ પૂનમબેન માડમ દ્વારા પ્રચાર-પ્રસાર કરવામાં આવ્યો હતો, જુદા-જુદા સ્થળે સ્થાનિક આગેવાનો સાથે રહ્યા હતાં, બે નગરપાલીકાઓમાં કેબીનેટ મંત્રીઓ પણ પ્રચારમાં સાથે જોડાયા હતાં, જામજોધપુર, કાલાવડ, ધ્રોલ, દ્વારકા અને ભાણવડમાં જુદા-જુદા દિવસે પ્રચાર કરવામાં આવ્યો હતો.

જામજોધપુરમાં પૂર્વ મંત્રી ચીમનભાઇ સાપરીયા, પૂર્વ ધારાસભ્ય ચીરાગભાઇ કાલરીયા ઉપરાંત જિલ્લા ભાજપના દિલીપભાઇ ભોજાણી, સંગઠનના હોદેદારો, આગેવાનો સાથે મળીને પુનમબેન માડમે લોકસંપર્ક કર્યો હતો.

કાલાવડમાં ધારાસભ્ય મેઘજીભાઇ ચાવડા, જિલ્લા ભાજપ પ્રમુખ રમેશભાઇ મુંગરા તેમજ અન્ય આગેવાનો સહિતની ટીમની સાથે સાંસદ દ્વારા જનસંપર્ક કરવામાં આવ્યો હતો અને જુદા-જુદા વોર્ડમાં તેઓ ફયર્િ હતાં.

ધ્રોલમાં કૃષિ મંત્રી રાઘવજીભાઇ પટેલની સાથે સાંસદ પૂનમબેન માડમ દ્વારા પ્રચાર કરવામાં આવ્યો હતો અને એમની સાથે ધારાસભ્ય મેઘજીભાઇ ચાવડા, જિલ્લા ભાજપ પ્રમુખ રમેશભાઇ મુંગરા સહિતના આગેવાનો-કાર્યકરો જોડાયા હતાં, અહીં પણ જુદા-જુદા વોર્ડમાં ફરીને જનસંપર્ક કરવામાં આવ્‌યો હતો.

હાલારની બીજા જિલ્લા દેવભુમિની દ્વારકા નગરપાલીકામાં ધારાસભ્ય પબુભા માણેક તેમજ સંગઠનના હોદેદારો અને ભાજપના આગેવાનો સાથે મળીને પ્રચાર-પ્રસાર કરવામાં આવ્યો હતો, અત્રે નોંધનીય છે કે, આ નગરપાલીકામાં ભાજપના 9 ઉમેદવાર બિનહરીફ જાહેર થઇ ચુકયા છે, ભાણવડમાં કેબીનેટ મંત્રી મુળુભાઇ બેરા અને સ્થાનિક આગેવાનોને સાથે રાખીને સાંસદ દ્વારા પ્રચાર-પ્રસાર કરવામાં આવ્યો હતો.

તમામ નગરપાલીકાઓમાં લોકસંપર્ક દરમ્યાન પૂનમબેન માડમ દ્વારા વિવિધ યોજનાઓ સંબંધે વિગતો આપવામાં આવી હતી, ધંધા-ઉદ્યોગની વાતો કરાઇ હતી, બૌધિક સંમેલનો યોજાયા હતાં, દરેક વર્ગને આવરી લેતી બાબતો અંગે એમણે પ્રચાર-પ્રસાર કર્યો હતો.