સિવિલ હોસ્પિટલમાં બનેલી ઘટનાને પગલે ધારાસભ્ય ડો.દર્શિતા શાહ દોડી આવ્યા હતા અને હોસ્પિટલ તંત્રને સાથે રાખી બનાવ સ્થળની મુલાકાત લીધી હતી અને જરી સૂચનો આપ્યા હતા દરમિયાન કેટલાક દર્દીઓ દોડી આવ્યા હતા અને કેસ બારીમાં લાઈનથી વારો ન આવતો હોવાની ફરિયાદ કરતા ધારાસભ્ય ડો.દર્શિતા શાહએ ઓપીડી બિલ્ડીંગની મુલાકાત કરી હતી. ત્યાં કેસબારીઓએ દર્દીઓની લાંબી લાઈનો જોઈ ચોંકી ઉઠા હતા અને આ કયાં પ્રકારની વ્યવસ્થા છે ? તેમ હોસ્પિટલ તંત્રને સવાલ પૂછયા હતા. ઓપીડી વ્યવસ્થામાં દર્દીઓને લાઈનમાં ઉભું રહેવું ન પડે એ માટેની બેઠક વ્યવસ્થા કરવાની સાથે ટોકન નંબર ડિસ્પ્લે થાય તેની સાથે સાથે નંબરનું એનાઉસમેન્ટ કરવામાં આવી એ પ્રકારે સુદ્રઢ વ્યવસ્થા ઉભી કરવા માટે હોસ્પિટલ તંત્રને સૂચના આપી હતી. અને તેનો તાકીદે અમલ કરવા પણ જણાવ્યું હતું. ધારાસભ્યએ હેલ્પ ડેસ્કની કામગીરી અંગે પણ પુચ્છા કરી હતી. આ દરમિયાન પણ કેટલાક દર્દીઓ પોતાની જુદી જુદી ફરિયાદો સાથે રજુઆત કરતા ઉકેલ લાવવા માટે જણાવ્યું હતું. અહીં પણ સિકયોરિટી ઇન્ચાર્જની આકરા શબ્દોમાં ઝાટકણી કાઢી ફરજમાં બેદરકારી ન રહે તેનું ધ્યાન રાખવા તાકીદ કરી હતી. ધારાસભ્યની સૂચના બાદ હોસ્પિટલ તત્રં દ્રારા પણ આવતીકાલથી જ ટોકન સિસ્ટમ જે છે તેમાં સુધારો કરી કેશબારીએ ભીડ ન થાય એ માટેની વ્યવસ્થા કરવા માટે મિટિંગ યોજી કામગીરી હાથ ધરી હતી. ધારાસભ્યએ આવતીકાલે ફરી રાઉન્ડમાં આવશે તેમ કહી હોસ્પિટલ તંત્રને વધુ દોડતું કયુ હતું.