લકઝરી બેગની દુનિયામાં શિરમોર ગણાતી અને મહિલાઓ માટે જેને હાથમાં ઝુલાવવી એ એક સપનું ગણાય તેવી ફ્રાન્સની મશહર બેગ બ્રાંડ ચેનલ બેગની કિંમત પેરિસમાં પ્રથમ વખત ૧૦,૦૦૦ યુરોની સપાટી તોડીને વધારવાનું પગલું કંપનીએ લીધું છે. ચેનલની કલાસિક મધ્યમ કદની ચેનલ લેપ બેગનો ભાવ પ્રથમ વખત કંપનીએ ૧૦૩૦૦ યુરો અર્થાત ૯,૨૯,૦૦૦ પિયા કર્યેા છે.

કેટલીક લકઝરી બ્રાન્ડસ નબળી માંગ હોવા છતાં કંપની કિંમતોમાં વધારો કરવા તૈયાર છે તે સંકેતમાં, ચેનલે ફ્રેન્ચ રાજધાની પેરીસમાં તેની સૌથી જાણીતી બેગની કિંમત ૯,૭૦૦ યુરોથી લગભગ ૬.૨% વધારીને ૧૦૩૦૦ યુરો કરી દીધી છે.

નંબર ૫ ફ્રેગરન્સ નામનું પ્રખ્યાત અત્તર બનાવતી કંપની ચેનલ સામાન્ય રીતે સપ્ટેમ્બર અને માર્ચમાં વર્ષમાં બે વાર પ્રોડકટની કિંમતોની સમીક્ષા કરે છે. પેરિસમાં વૈભવી ચીજવસ્તુઓની કિંમત બાબતે ખુબ ધ્યાન રાખવામાં આવે છે કારણ કે પેરીસ અત્યતં તવંગર, જેને હાઈ હિલ કહેવામાં આવે છે તેવા પ્રવાસીઓને આકર્ષે છે.

ચેનલના પ્રવકતાએ જણાવ્યું હતું કે ચેનલ તેની બેગની કિંમત તેમની પડતર પ્રમાણે નક્કી કરે છે. કાચા માલના ભાવ અને ઉત્પાદન ખર્ચ પાછલા વર્ષમાં સતત ફુગાવાને કારણે વધ્ય છે, જેના કારણે અમે બુટિકમાં અમારી કિંમતોને સમાયોજિત કરી છે. આ વધારો ૨૭ માર્ચ ૨૦૨૪ થી તમામ બજારો પર અમલમાં આવશે.
સપ્ટેમ્બરમાં, ચેનલે ચીન, જાપાન અને ઓસ્ટ્રેલિયા જેવા બજારોમાં ૬% થી ૮% ની વચ્ચે ભાવ વધાર્યા હતા. વિશિષ્ટ્ર લકઝરી બ્રાન્ડસ મજબૂત કિંમત નિર્ધારણ શકિતનો આનદં માણવા માટે જાણીતી છે, એટલે કે તેઓ ગ્રાહકોને ગુમાવ્યા વિના વધારાને લાગુ કરી શકે છે. પરંતુ પાછલા વર્ષમાં એવા વધુ સંકેતો મળ્યા છે કે એન્ટ્રી–લેવલ પ્રોડકટસ ખરીદતા મહત્વાકાંક્ષી ગ્રાહકોએ તેમના ખર્ચમાં ઘટાડો કર્યેા છે.
ચેનલ, હર્મેસ ઇન્ટરનેશનલ અથવા ઘડિયાળ નિર્માતા રોલેકસની સમકક્ષ, સૌથી સમૃદ્ધ ગ્રાહકોને ચીજો પૂરી પાડવાનું વલણ ધરાવે છે, જેની માંગમાં એકંદરે મંદી હોવા છતાં ખર્ચ કરવાની શકિત વધુ હોય છે