દારૂના આ દરોડાની જાણવા મળતી વિગતો મુબજ, થોરાળા પોલીસ મથકનો સ્ટાફ પેટ્રોલિંગમાં હતો. દરમિયાન બાતમી મળી હતી કે, ભારતનગરમાં આવેલા ત્રીશુલ કારખાનાની સામે જીજે-03- એફડી-2775 નંબરની સ્કોર્પિયો કારમાં વિદેશ દારૂના જથ્થા સાથે એક શખસ હાજર છે.

થોરાળા પોલીસની ટીમે બાતમીના આધારે ભારતનગરમાં પહોંચી બાતમી વાળા સ્કોર્પિયોમાં તલાસી લેતાં તેમાંથી વિદેશી દારૂની ૯૬ બોટલ મળી આવી હતી. પોલીસે વિદેશી દારૂ, વાહન અને મોબાઈલ મળી રૂ.૪.૮૪ લાખના મુદ્દામાલ સાથે નવા થોરાળા સ્થિત આરાધના સોસાયટી શેરી નંબર-૨માં રહેતા અરબાઝ રફિકભાઈ રાઉમા નામના બુટલેગરને ઝડપી લઇ વિદેશી દારૂ ક્યાંથી લાવ્યો હતો અને કોને સપ્લાય કરવાનો હતો? તે અંગે તપાસ હાથ ધરી છે.

આ દરોડાની કામગીર પીએસઆઇ એન.આર ડોબરીયા, હેડ કોન્સ્ટેબ ઇલેશભાઈ પરમાર, કોન્સ્ટેબલ સંજયભાઈ માંડાણી, નિલેશભાઈ જમાડ અને દિનેશભાઈ પરમાર સહિતના સ્ટાફે કરી હતી.