ઉના ગીરગઢડા પંથકની ગીર બોર્ડર નજીકના ગ્રામ્ય વિસ્તારમાં તો વન્ય પ્રાણીઓની અવર જવર જોવા મળતી હોય છે. પરંતું હવે તો ગ્રામ્ય વિસ્તારો બાદ શહેરમાં રહેણાક વિસ્તારમાં પણ વન્ય પ્રાણીઓની ચહલ પહલ શરૂ થઈ ગઈ હોય આ સમગ્ર ઘટના સીસીટીવી કેમેરામાં કેદ થઈ હતી. જે વીડિયો સોશ્યલ મીડિયામાં વાયરલ થયેલ હતો. 
​​​​​​​
ઉના શહેરમાં ગીરગઢડા રોડ પર આવેલ જશરાજનગર રહેણાંક સોસાયટી વિસ્તારમાં એક સાથે ચાર સિંહ પરિવાર શિકારની શોધમાં આવ્યાં હોય તેમ આજુબાજુની ગલીઓમાં એક પછી એક સિહો એ આટાફેરા માર્યા હતા. જે મોડી રાત્રીનાં સમયે આવેલા સિંહ પરિવાર આ વિસ્તારના રહેણાંક મકાનમાં લગાવેલા સીસીટીવી કેમેરામાં સમગ્ર ઘટના કેદ થઈ હતી. જે વીડિયો સોશ્યલ મીડિયામાં ખૂબ વાયરલ થયેલ હતો. 
જોકે સોસાયટી વિસ્તારમાં સિંહો આવી ચઢતા લોકોમાં ભય જોવા મળી રહ્યો હતો. અગાઉ પણ નજીક આવેલ તપોવન રોડ પર સીમ વાડી વિસ્તારમાં ખેડૂતોને અવાર નવાર સિંહ જોવા મળતા હોય અને પશુઓના મારણ કરી જતાં રહે છે. આમ અવાર નવાર સિંહના આટાફેરાથી ભય ફેલાયો છે.