કલેકટર કચેરીમાં સમયાંતરે મળતી લેન્ડ ગ્રેબિંગ કમિટીની મીટીંગ આજ આજરોજ રાજકોટ જિલ્લા કલેકટર પ્રભવ જોષીના અધ્યક્ષ સ્થાને મળનાર હતી, આ મિટિંગમાં વિવિધ ૧૦૦ કેસની સુનાવણી થનાર હતી. દરમિયાન અન્ય વીડિયો કોન્ફરન્સ આવી જતા આજની લેન્ડ ગ્રેબિંગ કમિટીની મીટીંગ રાખવામાં આવી હોવાનું જાણવા મળે છે અને હવે કયારે મળશે તે અંગેની તારીખ આગામી દિવસોમાં જાહેર કરાશે. વિશેષમાં રાજકોટ જિલ્લા કલેકટર કચેરીના સૂત્રોના જણાવ્યા મુજબ આજે રેવન્યુ વિભાગની એક મહત્વપૂર્ણ વીડિયો કોન્ફરન્સ આવી જતા લેન્ડ ગ્રેબિંગ કમિટીની આજે મળનારી મિટિંગ મોકૂફ રાખવામાં આવી છે. આગામી દિવસોમાં ટૂંક સમયમાં આ મિટિંગ મળશે તે અંગેની તારીખ જિલ્લા કલેકટર દ્રારા જાહેર કરવામાં આવશે

પ્રવાસન વિભાગની સમિતિની સાંજે મિટિંગ
રાજકોટ કલેકટર કચેરી ખાતે આજે સાંજે પ્રવાસન વિભાગની સમિતિની મિટિંગ મળનારી છે. રેવન્યુ વિભાગની વીડિયો કોન્ફરન્સ પૂર્ણ થયા બાદ આ મિટિંગ મળશે તેમ જાણવા મળે છે. મિટિંગ અંતર્ગત રાજકોટ જિલ્લાના પ્રવાસન સ્થળોના વિકાસ અંગેની ચર્ચા– વિચારણા થશે.

બોર્ડની પરિક્ષાઓને લગતી તૈયારીઓ પૂર્ણ
રાજકોટ શહેર જિલ્લામાં બોર્ડની પરીક્ષાઓમાં સુચા રીતે યોજાય તે માટેની તમામ જરી તૈયારીઓ રાજકોટ જિલ્લા કલેકટર તત્રં દ્રારા પૂર્ણ કરવામાં આવી છે અને કલેકટર પ્રભવ જોષી દ્રારા સમયાંતરે પરીક્ષા સમિતિ સાથે મિટિંગ યોજી કામગીરીનો રિવ્યુ પણ પૂર્ણ કરાયો છે