દારૂના આ દરોડાની જાણવા મળતી વિગતો મુજબ, આગામી ગ્રામ પંચાયતની ચૂંટણીના લઇ જાહેરનામું અમલમાં હોય તેના અનુસંધાને રાજકોટ રેન્જ આઈ.જી અશોકકુમાર યાદવ તથા રાજકોટ જિલ્લા પોલીસવડા હિમકર સિંહ દ્વારા જિલ્લામાં દારૂ- જુગારની પ્રવૃત્તિઓ સામે ઝીરો ટોલરન્સ નીતિથી કામ કરવા સૂચના આપવામાં આવી છે. જે અંતર્ગત એ.એસ.પી સિમરન ભારદ્વાજના માર્ગદર્શન હેઠળ ભાયાવદર પોલીસ મથકના પીઆઇ વી.સી.પરમાર તથા ટીમ પેટ્રોલિંગમાં હતી. દરમિયાન એવી બાતમી મળી હતી કે, ઉપલેટા તાલુકાના ઢાંક ગામે રાજપરા ગામ રોડ પર પી.ડી. માલવીયા સ્કૂલની બાજુમાં રહેતા રમેશ ઉર્ફે રામો નામના શખસે પોતાના ઘરમાં દારૂનો જથ્થો છુપાવ્યો છે.

આ બાતમીના આધારે પોલીસની ટીમે અહીં મકાનમાં કરોડો પાડતા આરોપી રમેશ હાજર મળી આવ્યો ન હતો. પોલીસે ઘરમાં તપાસ કરતા પ્રથમ દ્રષ્ટિએ કંઇ શંકાસ્પદ મળ્યું ન હતું. પરંતુ બાતમી દ્રઢ હોવાથી પોલીસે સઘન તપાસ કરતા બેડરૂમમાં ડબલ બેડની શેટી નીચે ભોંયતળિયે અંડરગ્રાઉન્ડ ચોરખાનું બનાવવામાં આવ્યું હોય જેમાં તપાસ કરતા તેમાંથી રૂપિયા 4,68 973 ની કિંમતનો દારૂ બિયરનો જથ્થો મળી આવ્યો હતો. દરોડા દરમિયાન અહીંથી પોલીસે એક હેક્ટર કાર, બે મોબાઈલ ફોન અને ડીવીઆર સહિત કુલ રૂપિયા 14,82,973 નો મુદ્દામાલ કબજે કર્યો હતો. દરોડા દરમિયાન આરોપી રમેશ ઉર્ફે રામો પોલાભાઈ ઓડેદરા હાજર મળી આવ્યો ન હોય તેને ઝડપી લેવા તપાસ હાથ ધરી છે.

આ કામગીરીમાં ભાયાવદર પોલીસ મથકના રોહિતભાઇ વાઢેળ,હેડ કોન્સ. ભાવેશભાઇ બોરીચા,કોન્સ. પ્રેમજીભાઇ,દિલિપસિંહ,રણજીતભાઇ,વીપુલભાઇ,મહેશભાઇ,હિમાંશુભાઇ,ભાવીશાબેન અને નવીનભાઇ સાથે રહ્યા હતાં.