તહેવારોની મોસમમાં મોંઘવારીનો વધુ એક માર લાગ્યો છે. હોળી અને રમઝાન મહિનામાં, રસોઈ ગેસ મોંઘો થઈ ગયો છે. સરકારી ઓઈલ કંપનીઓએ એલપીજી સિલિન્ડરના ભાવમાં વધારો કરવાની જાહેરાત કરી છે. ૧૯ કિલોગ્રામના કોમર્શિયલ એલપીજી ગેસ સિલિન્ડરની કિંમત આજથી વધારવામાં આવી છે. ઇન્ડિયન ઓઇલે કોમર્શિયલ એલપીજી સિલિન્ડરના ભાવમાં 6 રૂપિયાનો વધારો કર્યો છે, જેનાથી તે 1797 રૂપિયા પ્રતિ સિલિન્ડરથી વધીને 1803 રૂપિયા થઈ ગયા છે.

સરકારી તેલ કંપનીઓ દર મહિનાની પહેલી તારીખે એલપીજી સિલિન્ડરના ભાવની સમીક્ષા કરે છે. આજથી નવો મહિનો શરૂ થઈ રહ્યો છે જે ઉત્સવનો મહિનો છે. આ મહિનામાં હોળી છે, તો બીજી તરફ ઈદનો તહેવાર પણ આ મહિનામાં છે. આ સાથે, રમઝાન પણ 2 માર્ચ એટલે કે આવતીકાલથી શરૂ થવા જઈ રહ્યો છે. આ મહિનામાં લગ્ન પણ છે. અને આ મહિનાની પહેલી તારીખથી, સરકારી ઓઇલ માર્કેટિંગ કંપનીઓએ કોમર્શિયલ એલપીજી સિલિન્ડરના ભાવમાં વધારો કર્યો છે. ૧૯ કિલોગ્રામના કોમર્શિયલ એલપીજી સિલિન્ડરના ભાવમાં ૬ રૂપિયાનો વધારો કરવામાં આવ્યો છે. હવે દિલ્હીમાં નવી કિંમત ૧૮૦૩ રૂપિયા પ્રતિ સિલિન્ડર થઈ ગઈ છે જે પહેલા ૧૭૯૭ રૂપિયા હતી.

દિલ્હીમાં ૧૯ કિલોગ્રામના સિલિન્ડરની કિંમત ૧૭૯૭ રૂપિયાથી વધારીને ૧૮૦૩ રૂપિયા કરવામાં આવી છે. કોલકાતામાં, નવી કિંમત ૧૯૦૭ રૂપિયાથી વધીને ૧૯૧૩ રૂપિયા થઈ ગઈ છે. મુંબઈમાં કોમર્શિયલ એલપીજી સિલિન્ડરનો નવો ભાવ ૧૭૪૯.૫૦ રૂપિયાથી વધીને ૧૭૫૫.૫૦ રૂપિયા થયો છે. ચેન્નાઈમાં, કોમર્શિયલ એલપીજી સિલિન્ડર ગેસ હવે ૧૯૫૯ રૂપિયાથી વધીને ૧૯૬૫ રૂપિયામાં મળશે.

ઘરેલુ સિલિન્ડરના ભાવમાં કોઈ ફેરફાર નહીં

આજથી કોમર્શિયલ એલપીજી સિલિન્ડરના ભાવમાં વધારો કરવામાં આવ્યો હોવા છતાં, ઘરેલુ એલપીજી સિલિન્ડરના ભાવમાં કોઈ ફેરફાર થયો નથી. પરંતુ કોમર્શિયલ એલપીજી સિલિન્ડરના ભાવમાં વધારો રેસ્ટોરાંમાં જમવા પર અસર કરી શકે છે. રેસ્ટોરાં તેમના ભોજનના દર વધારી શકે છે.