લાલપુર પંથકના જોગવડ તળાવનેશ ખાતે રહેતા ભીમરાજ ઉર્ફે હેમરાજ બુધરાજ ચારણ નામનો શખ્સ પોતાના ભોગવટાના મકાનની પાછળના ભાગે દેશી દારુ વેચાણ કરતો હોવાની હકીકત આધારે એલસીબીએ દરોડો પાડીને દેશી દારુ બનાવવાનો ૨૧૦ લીટર કાચો આથો જપ્ત કર્યો હતો, જયારે આરોપી ફરાર થઇ ગયો હતો.
***
કલ્યાણપુરમાં વિદેશી દારુ સાથે બે શખ્સો ઝડપાયા

કલ્યાણપુર તાલુકાના ખીરસરા ગામના પાટીયા પાસેથી પોલીસે રાજશી ભીમા ડુવા (ઉ.વ. ૪૩, રહે લાલપરડા) અને દેવશી સાજણ ગોજીયા (રહે. જામનગર) નામના બે શખ્સોને પોલીસે વિદેશી દારૂની ૧૫ બોટલ, એક મોટરસાયકલ તથા બે મોબાઈલ ફોન મળી કુલ રૂપિયા ૨૫,૫૦૦ ના મુદ્દામાલ સાથે ઝડપી લીધા હતા. આ પ્રકરણમાં ચોક્કસ મોબાઈલ નંબર ધરાવતા એક શખ્સનો  પણ ખુલવા પામી છે. જે અંગે પોલીસે ગુનો નોંધી, આગળની તપાસ હાથ ધરી છે.
***
પીધેલા બાઇક ચાલકની અટક

ભાણવડ તાલુકાના પાછતર ગામે રહેતા પ્રતાપ કેશવ મેર નામના ૪૬ વર્ષના શખ્સને પોલીસે કેફી પીણું હાલતમાં ડ્રાઇવિંગ લાઇસન્સ વગર રૂપિયા ૧૦,૦૦૦ ની કિંમતના સ્પ્લેન્ડર મોટરસાયકલ પર નીકળતા ઝડપી લઇ, ગુનો નોંધ્યો હતો.