આ વર્ષે જાન્યુઆરીથી માર્ચના ત્રિમાસિક ગાળામાં દિલ્હીમાં સૌથી ઓછો બેરોજગારી દર હતો, યારે કેરળ પ્રથમ ક્રમે હતું. આ સર્વે ૧૫ થી ૨૯ વર્ષની વય વચ્ચે કરવામાં આવ્યો હતો. સામયિક લેબર ફોર્સ સર્વે નો આ રિપોર્ટ આંકડા મંત્રાલય દ્રારા બહાર પાડવામાં આવ્યો છે. સર્વેમાં ૨૨ રાજયો અને કેન્દ્રશાસિત પ્રદેશોનો સમાવેશ કરવામાં આવ્યો હતો. બેરોજગારી દરમાં ટોચના ૫ સ્થાનો જમ્મુ અને કાશ્મીર, તેલંગાણા, રાજસ્થાન અને ઓડિશા છે.

જાન્યુઆરી–માર્ચમાં ૧૫ થી ૨૯ વર્ષની વય જૂથ વચ્ચે બેરોજગારીનો દર ૧૭ ટકા હતો. જે અગાઉના ત્રિમાસિક ગાળાના ૧૬.૫ ટકાથી વધુ છે.
જો કે, ૨૦૨૩માં જાન્યુઆરી અને માર્ચ વચ્ચે બેરોજગારીનો દર થોડો ઐંચો ૧૭.૩ હતો. દિલ્હીમાં બેરોજગારીનો દર ૩.૧ ટકા, ગુજરાતમાં ૯ ટકા અને હરિયાણામાં ૯.૫ ટકા હતો. કર્ણાટકમાં આ આંકડો ૧૧.૫ ટકા અને મધ્યપ્રદેશમાં ૧૨.૧ ટકા હતો. કોરોના રોગચાળા પછી, ૧૫ થી ૨૯ વર્ષની વયના લોકોમાં બેરોજગારીનો દર સતત ટોચ પર છે, તેમ છતાં તેમાં થોડો સુધારો થયો છે

રાજયની સ્થિતિ પણ ચિંતાજનક
જમ્મુ અને કાશ્મીરમાં બેરોજગારીનો દર ૪૮.૬%, કેરળમાં ૪૬.૬%, ઉત્તરાખંડમાં ૩૯.૪%, તેલંગાણામાં ૩૮.૪% અને હિમાચલ પ્રદેશમાં ૩૫.૯% નોંધાયો હતો. આ વર્ષના પ્રથમ કવાર્ટરમાં મહિલાઓનો બેરોજગારી દર ૨૨.૭ ટકા હતો, જે અગાઉના કવાર્ટર કરતાં .૨ ટકા વધુ છે. સામયિક લેબર ફોર્સ સર્વે બેરોજગારી, શ્રમ દળની ભાગીદારી અને મજૂર વસ્તીના ગુણોત્તરને ટ્રેક કરે છે. સર્વેક્ષણમાં, જે લોકોએ આખા અઠવાડિયામાં ઓછામાં ઓછા એક કલાક પણ કામ કયુ ન હતું તેઓને બેરોજગાર ગણવામાં આવ્યા હતા