ફિલ્મ 'ચંદુ ચેમ્પિયન'ના અભિનેતા કાર્તિક આર્યનના પરિવાર પર દુઃખનો પહાડ તૂટી પડ્યો છે. એવું કહેવામાં આવી રહ્યું છે કે 13 મેના રોજ મુંબઈમાં ઘાટકોપર હોર્ડિંગ અકસ્માતમાં અભિનેતાના મામા અને કાકીનું મોત નીપજ્યું હતું. લગભગ 56 કલાક બાદ બંનેના મૃતદેહ બહાર કાઢવામાં આવ્યા હતા.

મળતી માહિતી મુજબ, મૃતક મનોજ ચાણસોરિયા અને તેની પત્ની અનિતા ચાણસોરિયા રવિવારે તેમના પુત્ર યશ સાથે અમેરિકા જવાના હતા. તે બંને તેના વિઝા લેવા માટે મુંબઈ આવ્યા હતા, પરંતુ યશ તેના માતા-પિતા સાથે વાત કરી શક્યો ન હતો, જ્યારે તેણે તેના સંબંધીઓને પૂછ્યું ત્યારે તેને ખબર પડી કે તેના માતાપિતા પણ મુંબઈ હોર્ડિંગની ઘટનામાં ફસાયા છે. હવે સમાચાર છે કે તેમનું અવસાન થયું છે. બંનેના મૃતદેહ બહાર કાઢવામાં આવ્યા છે.

કાર્તિક આર્યનના મામા મનોજ ચાન્સોરિયા ઈન્દોર એરપોર્ટના ભૂતપૂર્વ ડિરેક્ટર હતા. તેઓ તેમના પત્ની અનિતા ચાન્સોરિયા સાથે તેમના દીકરાના અમેરિકા મળવા જવાની તૈયારી માટે મુંબઈ આવ્યા હતા. એવામાં તેમના દીકરા યશની તેના માતા-પિતા સાથે વાત ન થતા તેણે સંબંધીઓનો સંપર્ક કર્યો હતો. એવામાં યશને જાણવા મળ્યું કે તેના માતા-પિતા મુંબઈના તોફાનમાં ફસાઈ ગયા છે. આથી મામલાની તપાસ કરતા 56 કલાક બાદ તેમના મૃતદેહ  મળ્યો હતો.

ઓથોરિટી દ્વારા કાર્તિક આર્યનના મામાનો ફોન ટ્રેસ કરતા તેમનું લાસ્ટ લોકેશન પેટ્રોલ પંપ પાસે મળ્યું હતું. આ દુર્ઘટનામાં 60 કલાક બાદ 16 લોકોએ જીવ ગુમાવ્યા અને 75 લોકો ઘાયલ પણ થયા. હાલ અકસ્માત થયેલ જગ્યાને સીલ કરી વધુ તપાસ શરૂ કરવામાં આવશે.