પેરિસ પેરાલિમ્પિકમાં ભારતે 25મો મેડલ જીત્યો છે. કપિલ પરમારે મેન્સ J1 કેટેગરીના જુડોમાં બ્રોન્ઝ મેડલ જીત્યો હતો. તેણે બ્રાઝિલના એલિટોન ડી ઓલિવિરાને માત્ર 33 સેકન્ડમાં 10-0થી હરાવ્યો હતો. 

હજૂ મેડલની આશા

ભારત આજે એથ્લેટિક્સમાં પણ મેડલ જીતી શકે છે. પેરિસમાં ભારતે 5 ગોલ્ડ, 9 સિલ્વર અને 11 બ્રોન્ઝ મેડલ જીત્યા, આ પેરાલિમ્પિક્સમાં દેશનું સર્વશ્રેષ્ઠ પ્રદર્શન છે. ભારત અત્યારે મેડલ ટેલીમાં 13મા નંબર પર છે. ટોક્યો પેરાલિમ્પિક્સમાં ભારતે 5 ગોલ્ડ સહિત 19 મેડલ જીત્યા હતા. 

જુડોકા કપિલ પરમારને બ્રોન્ઝ મેડલ

ભારતીય જુડોકા કપિલ પરમાર પુરુષોની 60 કિગ્રા જે1 કેટેગરીની સેમિફાઇનલમાં હારી ગયો હતો. તેને ઈરાનના ખોરામ બનિતાબાએ 10-0થી હરાવ્યો હતો. જોકે, બ્રોન્ઝ મેડલ મેચમાં તેણે કમબેક કર્યું અને બ્રોન્ઝ મેડલ જીત્યો. તેણે J1 કેટેગરીમાં બ્રાઝિલના એલિટોન ડી ઓલિવિરાને માત્ર 33 સેકન્ડમાં 10-0થી હરાવ્યો હતો.