ભાજપ શાસિત રાજકોટ માર્કેટ યાર્ડના વર્તમાન ચેરમેન જયેશ બોઘરા અને વાઇસ ચેરમેન વસતં ગઢિયાની ટર્મ જૂન માસના પ્રથમ સાહમાં પૂર્ણ થઇ રહી છે ત્યારે યાર્ડમાં નવા ચેરમેન અને વાઇસ ચેરમેનની નિમણુકં માટેની રાજકીય ગતિવિધિઓ તેજ બની છે. પદ મેળવવા માટે ભાજપના જ બે જૂથ વચ્ચે કાંટે કી ટક્કર સર્જાઇ છે ત્યારે વર્તમાન પદાધિકારી જુથના સમર્થક વેપારીઓ દ્રારા યાર્ડમાં છેલ્લા અઢી વર્ષમાં થયેલા વિકાસકામોના મેસેજ વ્હોટસ એપ સહિતના સોશ્યલ મીડિયા ટુલ્સમાં વાયરલ કરવામાં આવી રહ્યા હોવાનું જાણવા મળે છે.

યાર્ડના સુત્રોમાંથી પ્રા વિગતો મુજબ આગામી અઢી વર્ષની ટર્મ માટે ચેરમેન પદ માટે યુવા ચેરમેન જયેશ બોઘરા અને સૌથી સિનિયર ડિરેકટર પરસોતમ સાવલિયા વચ્ચે કાંટે કી ટક્કર છે, વાઇસ ચેરમેન પદ માટે કોઇએ સ્પષ્ટ્ર દાવો કર્યેા નથી પરંતુ મળતું હોય લેવા સૌ તૈયાર છે તેવી સ્થિતિ છે. એવી પણ ચર્ચા છે કે સામાન્ય રીતે ચેરમેન અને વાઇસ ચેરમેન પદે તો કાયમ ખેડૂત વિભાગમાંથી ચૂંટાતા ડિરેકટર જ આવે છે ત્યારે આ વખતે વાઇસ ચેરમેન પદ માટે વેપારી વિભાગ અથવા સહકારી વિભાગમાંથી પસંદગી કરાય તેવું બની શકે છે.

રાજકોટ માર્કેટ યાર્ડના ૧૬ ડિરેકટર્સમાં ખેડૂત વિભાગના ૧૦ ડિરેકટર જેમાં જયેશ બોઘરા, વસતં ગઢીયા, જયંતિ ફાચરા, હંસરાજ લીંબાસીયા, જયેશ પીપળીયા, વિજય કોરાટ, ભરત ખૂંટ, જિતેન્દ્ર સખીયા, હિતેષ મેતા અને હઠીસિંહ જાડેજા ઉપરાંત વેપારી વિભાગના ચાર ડિરેકટરમાં રજનીશ રવેશિયા, દિલીપ પનારા, સંદીપ લાખાણી અને અતુલ કમાણી તેમજ સહકારી મંડળી વિભાગમાંથી પરસોતમ સાવલિયા અને કેશુભાઇ નંદાણીયા સમાવિષ્ટ્ર છે ત્યારે આ ૧૬ નામોમાંથી કોને ચેરમેન અને કોને વાઇસ ચેરમેન બનાવાશે તેના ઉપર સૌની મીટ મંડાઇ છે.