ફિલ્મ અભિનેત્રી અને ભારતીય જનતા પાર્ટીના લોકસભા સાંસદ કંગના રનૌતે તેની ફિલ્મ 'ઇમરજન્સી'ની નવી રિલીઝ ડેટની જાહેરાત કરી છે. અગાઉ ફિલ્મ મુલતવી રાખવી પડી હતી. હવે કંગના રનૌતે કહ્યું છે કે તેની ફિલ્મ 17 જાન્યુઆરી 2025ના રોજ મોટા પડદા પર આવશે. આ ફિલ્મ પૂર્વ વડાપ્રધાન ઈન્દિરા ગાંધીના જીવન પર આધારિત છે. આ ફિલ્મમાં કંગના રનૌતે પોતે પૂર્વ પીએમ ઈન્દિરા ગાંધીનો રોલ કર્યો છે.

કંગનાના ઈમરજન્સીને સેન્સર સર્ટિફિકેટ માટે લાંબો સમય રાહ જોવી પડી હતી. જોકે, ગયા મહિને CBFCએ ફિલ્મને સેન્સર સર્ટિફિકેટ આપ્યું હતું. ઇમરજન્સીમાં મુખ્ય ભૂમિકા ભજવવા ઉપરાંત તે કંગના રનૌત દ્વારા લખવામાં અને નિર્દેશિત પણ કરવામાં આવી છે. આ સિવાય કંગના આ ફિલ્મની કો-પ્રોડ્યુસર પણ છે.

શ્રેયસ તલપડેએ કહી હતી આ વાત

સેન્સર સર્ટિફિકેટ મળ્યા પછી  ફિલ્મમાં અટલ બિહારી વાજપેયીની ભૂમિકા ભજવી રહેલા શ્રેયસ તલપડેએ એક ઇન્ટરવ્યુમાં કહ્યું હતું કે, એક્ટર તરીકે જો તમારી ફિલ્મને સેન્સર બોર્ડ દ્વારા મંજૂરી મળે છે, તો તમે રિલીઝની તારીખ જાહેર કરો અને પ્રમોશન કરો. જો તમે શરૂ કરો અને હજુ પણ વિલંબ કરો તો તે દુઃખદાયક છે. લોકો ફિલ્મ જોવા માટે રાહ જોઈ રહ્યા છે. અમે તેને રિલીઝ કરવા માંગીએ છીએ જેથી લોકો તેને જોઈ શકે. પરંતુ કેટલાક કારણોસર તેમાં વિલંબ થાય છે.

શ્રેયસે કહ્યું હતું કે, મોટાભાગે એવું બને છે કે તે કારણો આપણા નિયંત્રણમાં નથી હોતા. જેમ મેં કહ્યું તેમ, હવે અમને CBFC તરફથી અંતિમ મંજૂરી મળી ગઈ છે અને અમે ખૂબ જ ખુશ છીએ. એક અભિનેતા તરીકે હું ખૂબ જ ખુશ છું કે ફિલ્મને રિલીઝ માટે લીલી ઝંડી મળી ગઈ છે.