ખંભાળિયા તાલુકાના કંચનપુર ગામે રહેતો નિઝામભાઈ વલીમામદ ખફી નામનો ૨૬ વર્ષનો યુવાન ગઈકાલે ગુરુવારે પોતાની વાડીએ પાણી વાળતો હતો, ત્યારે રાત્રિના સમયે કુવામાં આવેલી નળીમાંથી પાણી પીવા જતા તેનો પગ લપસી જતા અકસ્માતે કૂવામાં ખાબક્યો હતો. જેના કારણે પાણીમાં ડૂબી જતા તેનું મૃત્યુ નીપજ્યું હતું. આ બનાવની જાણ મૃતકના નાનાભાઈ યાસીન વલીમામદ ખફીએ અહીંની પોલીસને કરી છે.
***
લાંબાના વૃદ્ધને હૃદયરોગનો જીવલેણ હુમલો
કલ્યાણપુર તાલુકાના લાંબા ગામે રહેતા કાળુભાઈ સીદાભાઈ ચાવડા નામના ૭૦ વર્ષના આહિર વૃદ્ધને હૃદયરોગનો ઘાતક હુમલો આવી જતા તેમનું મૃત્યુ નીપજ્યું હોવાની જાણ મૃતકના પુત્ર દાનાભાઈ કાળુભાઈ ચાવડાએ સ્થાનિક પોલીસને કરી છે.
***
સોયલમાં બિમારી સબબ વૃઘ્ધનું પ્રાણ પંખે‚ ઉડયું
ધ્રોલના સોયલ ગામ બસ સ્ટેન્ડમાં બિમારી સબબ ઉપલેટાના વૃઘ્ધનું મૃત્યુ નિપજયું છે, આ અંગેની જાણ થતા પોલીસે આગળની કાર્યવાહી હાથ ધરી હતી.
ઉપલેટાના કોરીવાડા પાણીના ટાંકા પાસે રહેતા રમેશગીરી લક્ષમણગીરી મેઘનાથી (ઉ.વ.૭૦) નામના વૃઘ્ધને છેલ્લા ઘણા સમયથી શ્ર્વાસની તકલીફ હોય અને ટીબીની બિમારીથી પિડાતા હોય દરમ્યાન બિમારીના કારણે ગઇકાલે સોયલ બસ સ્ટેન્ડ ખાતે તેમનું મૃત્યુ થયુ હતું આ અંગે નિલેશગીરી ભુપતગીરીએ ધ્રોલ પોલીસમાં જાણ કરી હતી.