જુનાગઢ પોલીસે ગઈકાલે કાળવા ચોકથી ગિરનાર દરવાજા સુધી બુટલેગરની કારનો પીછો કરી તલાસી લેતા કારમાંથી ૧.૪૪ લાખનો વિદેશી દારૂ ઝડપાયો હતો જો કે કારનું ટાયર બેસી જતા બુટલેગર કાર મૂકી ફરાર થઈ જતા પોલીસે ઝડપી લેવા ચક્રો ગતિમાન કર્યા છે. બી ડિવિઝન પી.આઈ શાહ સહિતની ટીમ ગઈકાલે સવારે પેટ્રોલિંગમાં હતી ત્યારે કાળવા ચોક વિસ્તારમાં મોટરકાર નંબર જીજે ૦૪ બીએફ ૬૨૧૧ ને અટકાવવા ઈશારો કરતા કારચાલક પોલીસને જોઈ કારને ભગાવી હતી. પોલીસે  મોર્ડન ચોક, જવાહર રોડ અને ગિરનાર દરવાજા સુધી કાર નો પીછો કરી બુટલેગરને ઝડપવા કામગીરી કરી હતી જોકે  ચામુંડા માતાજીના મંદિર પાસે કારનું ટાયર બેસી જતા બુટલેગર કાર મૂકીને નાસી ગયો હતો. પોલીસે કારની તલાસી લેતા કારમાંથી ૧.૪૪ લાખની કિંમતનો ૩૬૦ બોટલ વિદેશી દારૂ ઝડપાયો હતો જ્યારે નાસી ગયેલા ઈસમને ઝડપી લેવા પોલીસે ચક્રો ગતિમાન કર્યા હતા.