પોરબંદરમાં રાજ્યકક્ષાની જુડો સ્પર્ધાનો શુભારંભ થયો ત્યારેજ પહેલા દિવસે ઓપનએજ ગૃપની જૂનાગઢની યુવતી ઘાયલ થતા સારવાર માટે સરકારી ભાવસિંહજી હોસ્પિટલ ખાતે ખસેડવામાં આવી હતી ત્યારબાદ વધુ સારવાર અર્થેે તેને જૂનાગઢ લઇ જવાઇ છે.
જાણવા મળતી વિગત પ્રમાણે પોરબંદરના  સરદાર પટેલ સ્પોર્ટસભવન ખાતે યોજવામાં આવેલ રાજ્યકક્ષાની જુડો સ્પર્ધામાં રાજ્યના અલગ-અલગ જિલ્લાના વિશાળ સંખ્યામાં સ્પર્ધકો ભાગ લેવા માટે આવી પહોંચ્યા હતા જેમાં ઓપન એજ ગૃપમાં ભાગ લેવા આવેલ કેશોદ રહેતી અને જૂનાગઢની ટીમ વતી સ્પર્ધામાં ઝંપલાવ્યુ હતુ તે હીરલ ભોળા નામની ૧૮ વર્ષની યુવતીને સ્પર્ધામાં જ ઇજા થતા ઇમરજન્સીસેવા ૧૦૮ મારફતે પ્રાથમિક સારવાર આપીને તાત્કાલિક વધુ સારવાર માટે સરકારી ભાવસિંહજી હોસ્પિટલ ખાતે ખસેડવામાં આવી હતી. જિલ્લા રમતગમત અધિકારી ડો. પ્રવીણાબેન પાંડાવદરાએ જણાવ્યુ હતુ કે હીરલને એકસ-રે સહિતની સારવાર અપાયા બાદ તેના પરિવારજનો જૂનાગઢ ખાતે રહેતા હોવાથી તેઓએ જૂનાગઢ સારવાર લેવી છે તેમ જણાવતા તેને વધુ સારવાર માટે જૂનાગઢ લઇ જવામાં આવી હતી.જ્યાં તેની સ્થિતિ સ્થિર હોવાનું જાણવા મળ્યુ છે.