ટેલિવિઝન જગતની લોકપ્રિય અભિનેત્રી જેનિફર વિન્ગેટ પોતાની અંગત જિંદગીને હંમેશાં લાઇમલાઇટથી દૂર રાખવાનું પસંદ કરે છે, પરંતુ હાલમાં તે પોતાની બીજી શાદીના સમાચારોને લઈને ભારે ચર્ચામાં છે. ઇન્સ્ટાગ્રામ પર લગ્નના એક ડાન્સ વીડિયો પર કરેલી કમેન્ટ અને સોશિયલ મીડિયા પર વેડિંગ પેજીસ ફોલો કરવાની તેની નાની હિલચાલથી ચાહકોમાં ઉત્સુકતા વધી ગઈ છે. 

નજીકના સૂત્રો પાસેથી મળતી વિગતો અનુસાર, જેનિફર હવે પોતાની જિંદગીનું નવું પ્રકરણ શરૂ કરવા માટે સંપૂર્ણ રીતે તૈયાર થઈ ચૂકી છે.
કોણ છે જેનિફરના દિલની ચોરી કરનાર વિલિયમ ઇસ્માઇલ?

અભિનેત્રી જે યુવાનના પ્રેમમાં છે અને જેની સાથે લગ્નગ્રંથિથી જોડાવા જઈ રહી છે, તે શખ્સ ગ્લેમર જગત બહારનો છે
સિંગાપોરના ઉદ્યોગપતિ:- ઇસ્માઇલ વિલિયમ સિંગાપોર સ્થિત એક સફળ બિઝનેસમેન છે, જેની સાથે જેનિફર છેલ્લા કેટલાક સમયથી રિલેશનશિપમાં છે.

વેકેશન પર પ્રપોઝલ:- એક સુંદર રજાઓ દરમિયાન વિલિયમે જેનિફરને લગ્ન માટે પ્રપોઝ કર્યું હતું અને અભિનેત્રીએ પણ તુરંત જ હા પાડી દીધી હતી.

ખાસ મિત્રો વાકેફ:- આ બંનેના લગ્નની ગુપ્ત યોજના વિશે તેમના ખાસ મિત્રો જેમ કે જિનીલિયા દેશમુખ અને હરલીન સેઠી પણ સારી રીતે જાણે છે.ક્રિશ્ચિયન રીતિ-રિવાજ મુજબ યોજાશે ભવ્ય લગ્ન સમારોહઆ હાઇ-પ્રોફાઇલ લગ્નની તૈયારીઓ અત્યારથી જ આંતરિક સ્તરે શરૂ કરી દેવામાં આવી છે. આ ભવ્ય લગ્ન ક્રિશ્ચિયન પરંપરા અનુસાર યોજવામાં આવશે. લગ્નની ચોક્કસ તારીખ હજુ જાહેર થઈ નથી, પરંતુ આ સમારોહ સપ્ટેમ્બર-ઓક્ટોબર અથવા ડિસેમ્બરથી જાન્યુઆરી દરમિયાન યોજાય તેવી પ્રબળ શક્યતાઓ છે. હાલમાં બંને પક્ષો લગ્ન માટે એક આદર્શ ડેસ્ટિનેશનની શોધ કરી રહ્યા છે અને વેન્ડર્સ સાથે વાતચીત પણ શરૂ થઈ ગઈ છે.અત્રે ઉલ્લેખનીય છે કે, જેનિફર વિન્ગેટના પ્રથમ લગ્ન એપ્રિલ 2012 માં અભિનેતા કરણ સિંહ ગ્રોવર સાથે થયા હતા, પરંતુ વૈચારિક મતભેદોના કારણે 2014 માં તેઓ અલગ થઈ ગયા હતા અને 11 જાન્યુઆરી 2015 ના રોજ સત્તાવાર રીતે તેમના છૂટાછેડા થયા હતા. આ વર્ષની શરૂઆતમાં જેનિફરનું નામ તેના સહ-કલાકાર કરણ વાહી સાથે પણ જોડાયું હતું, જેને બાદમાં કરણે માત્ર અફવા ગણાવીને ફગાવી દીધું હતું. હવે પૂરા 11 વર્ષના લાંબા અંતરાલ બાદ જેનિફરના જીવનમાં ફરી પ્રેમની વસંત ખીલી છે.