પોરબંદરની ગોઢાણીયા મહિલા કોલેજમાં બી.કોમ. અંગ્રેજી માધ્યમની વિદ્યાર્થીનીઓએ જન્માષ્ટમી પર્વ ઉજવ્યુ હતું. પોરબંદર શહેરની એકમાત્ર કોલેજ જે શ્રેષ્ઠ શિક્ષણ અને વિદ્યાર્થીનીઓના વિકાસ માટે તત્પર રહેતી ડો. વી.આર. ગોઢાણીયા મહિલા કોલેજમાં  ડિપાર્ટમેન્ટ ઓફ કોમર્સ અંગ્રેજી માધ્યમમાં ચાલતા ‘ઇવેન્ટ મેનેજમેન્ટ’ના શોર્ટ ટર્મ કોર્ષ હેઠળ પ્રથમ વર્ષના વિદ્યાર્થીનીઓએ જન્માષ્ટમીની અનોખી રીતે ઉજવણી કરી હતી. વિદ્યાર્થીનીઓ દ્વારા જન્માષ્ટમી પર્વને સુસંગત શ્રીકૃષ્ણ  જન્મ,ગોવર્ધન પર્વત, વિષ્ણુ અવતાર, કાલિય મર્દન વગેરે વિષયો ઉપર અત્યંત સુંદર કૃતિઓ રજૂ કરવામાં આવી તેમજ કૃષ્ણલીલા અને કૃષ્ણ- સુદામા મૈત્રી પર અત્યંત રસપ્રદ અભિનય સાથે પ્રસ્તુતિ કરવામાં આવી.

આ રીતે પ્રથમ વર્ષની વિદ્યાર્થીનીઓને કોઇપણ પર્વની ઉજવણી કેવી રીતે કરવી અને અલગ -અલગ થીમ આપીને ટીમમાં કાર્ય કરવા માટે પ્રો. નેહા ટેકવાણી અને પ્રો.ઉર્મિલા આશવાણીએ પ્રેરિત કર્યા હતા. આ સાથે દરેક પ્રાધ્યાપકોના સુચન અનુસાર ડેકોરેશન દ્વારા પર્વને પ્રભાવશાળી સ્વ‚પ આપવામાં આવ્યુ હતું. જન્માષ્ટમી નિમિત્તે આ ઇવેન્ટ માટે શ્રેષ્ઠ કૃતિઓ રજૂ કરનારને સર્ટીફિકેટ આપી બિરદાવવામાં પણ આવ્યા હતા.  જન્માષ્ટમીના પર્વને યાદગાર બનાવવા તેની ઉત્સાહભેર ઉજવણી માટે અંગ્રેજી ડિપાર્ટમેન્ટના તમામ સ્ટાફ દ્વારા ભારે જહેમત ઉપાડવામાં આવી.

આ ઇવેન્ટ મેનેજમેન્ટના શોર્ટ કોર્ષમાં થયેલ પર્વની ઉજવણીની સફળતા બદલ ટ્રસ્ટના પ્રમુખ ડો. વિરમભાઇ ગોઢાણીયા, મેનેજીંગ ટ્રસ્ટી અર્જુનભાઇ મોઢવાડિયા, વર્કિંગ ટ્રસ્ટી ભરતભાઇ વિસાણા, એકેડેમિક ટ્રસ્ટી ડો. હિનાબેન ઓડેદરા, ડો. ભરડા અને ઇન્ચાર્જ પ્રિન્સિપાલ ડો. કેતન શાહે બી.કોમ. અંગ્રેજી માધ્યમના ડાયરેકટર કલ્પનાબેન જોષી, તમામ સ્ટાફ મિત્રો અને વિદ્યાર્થીનીઓને અભિનંદન પાઠવ્યા છે.