શ્રી ગો.ડા.શાહ વિદ્યોતેજક સંસ્થાનો વિશિષ્ટ સહયોગ: જૈન સમાજના 109 વિદ્યાર્થીઓનો શિલ્ડ -પ્રમાણપત્રક તથા ટ્રાવેલિંગ બેગ આપી સન્માનિત કરાયા

જૈન એમ્પલોયઝસ ફેડરેશન સંસ્થા દ્વારા તાજેતરમાં હરિયા સ્કૂલના ઓડિટોરિયમમાં જૈનોના 109 જેટલા તેજસ્વી વિદ્યાર્થીઓને સન્માન કરવાનો સુંદર કાર્યક્રમ સંસ્થાના અજય શેઠના પ્રમુખ સ્થાને યોજવામાં આવેલ હતો.

આ પ્રસંગે જામનગર ના જાણીતા બિલ્ડર એન્ડ સીએ.વી.પી.મહેતા ,વિજયભાઈ શેઠ,કોર્પોરેટર કેતનભાઈ ગોસલીયા, ગો.ડા.શાહ વિદ્યોતેજક સંસ્થાના પ્રમુખ રાજુભાઈ મહેતા,સેક્રેટરી મહેન્દ્રભાઈ સંઘવી ,ટ્રષ્ટી ચંદ્રકાંતભાઇ  પટેલ વગેરે મહાનુભાવોએ ઉપસ્થિત રહી તેજસ્વી તારલાઓને સન્માનિત કર્યાં હતા.

ધો.10 થી સ્નાતક અને અનુસ્નાતક સુધીના 109 વિદ્યાર્થીઓને વિવિધ દાતાઓના સહયોગથી શિલ્ડ પ્રમાણપત્ર આપવામાં આવેલ હતું. તેમજ શ્રી ગો.ડા.શાહ વિદ્યોતેજક સંસ્થા તરફથી  ટ્રાવેલિંગ બેગ તથા સોવિનિયર આપવામાં આવેલ હતું.

 આ સમારોહમાં વિધાર્થી તથા તેમના વાલીઓએ ઉપસ્થિત રહી ઉત્સાહ ભેર ભાગ લીધો હતો. આ પ્રસંગે અરવીંદભાઈ શાહ, સાગરભાઈ, મનીષભાઈ મારુ,સ્મિતાબેન સંઘવી , વગેરે દાતાઓ સાથે સંસ્થાના પ્રમુખની ટીમના અજયભાઇ શાહ ,ધીરેનભાઈ , ધવલભાઈ, મૌલિકભાઈ, રાજુભાઈ શાહ, બિમલભાઈ ઓઝા વગેરે કાર્યકરોએ મહેનત કરી સુંદર  આયોજન કર્યું હતું.

સમારંભનો પ્રારંભ દીપ-પ્રાગટય કરીને કરેલ અને અંતમાં સમાજની દીકરીઓ રિદ્ધિ મહેતા , વિશ્વા ગાડા (સી.એ.),રૂપલ મહેતા તથા નીતિ દોશીએ સંસ્થાની કામગીરીને બિરદાવેલ હતી.