મા વૈષ્ણોદેવીની પાવન યાત્રા રવિવારથી શરૂ થઈ ગઈ છે. જો તમે આ યાત્રાએ જવાનુંવિચારી રહ્યા હોય તો આ ગાઈડલાઈનનું પાલન કરવું જરૂરી છે. જમ્મુ કાશ્મીરમાં સ્થિત મા વૈષ્ણવીના ધામમાં દર્શન માટે દર વર્ષે હજારો ભક્તો દુર દુરથી પહોંચે છે. જો કે આ વર્ષે કોરોનાની મહામારીના કારણે વૈષ્ણોદેવી યાત્રા બંધ કરવામાં આવી હતી. બંધ કરાયેલ યાત્રા રવિવારથી શરૂ કરીને ભક્તો માટે ગાઇડલાઈન જાહેર કરવામાં આવી છે. આ નિયમોના પાલન કરનાર ભક્તોને જ યાત્રા માટે મંજૂરી આપવામાં આવશે.

કોરોના સંક્રમણથી બચાવ માટે જાહેર કરવામાં આવ્યું છે કે દિવસના માત્ર 5000 ભક્તોને જ યાત્રા માટે પરમિશન આપવામાં આવશે. જમ્મુ કાશ્મીરના 4500 યાત્રીઓ અને બીજા રાજ્યોના માત્ર 500 ભક્તોને જ પ્રવેશ આપવામાં આવશે.  નિશ્ચિત કરેલા સમયમાં ભક્તોએ પરત ફરવું પડશે. કોઇ પણ ભક્ત વૈષ્ણોદેવી ભવનમાં રોકાઈ શકશે નહીં.

ગર્ભવતિ મહિલા, 10 વર્ષથીનાની ઉંમરના બાળકો અને 60 વર્ષથી વધુ ઉંમરના વૃધ્ધને આ વર્ષે વૈષ્ણદેવી યાત્રા માટે મંજૂરી મળી શકશે નહીં. સંપુર્ણ યાત્રા દરમિયાન ભક્તોએ માસ્ક પહેરી ફરજિયાત છે અને  સોશિયલ ડિસ્ટન્ટના નિયમોનું પાલન કરવું પડશે.