અન્યત્ર આજે વરસાદી માહોલ

જામનગર શહેર અને જિલ્લામાં લોકો મેઘરાજાની ચાતક નજરે રાહ જોઈ રહ્યા છે, ત્યારે લાલપુર તાલુકાના પડાણા ગામમાં ગઈકાલે વરસાદી વાતાવરણ બન્યું હતું, અને પાંચ મી.મી. વરસાદ નોંધાયો હતો. તે જ રીતે લાલપુર ના મોટા ખડબા ગામમાં પણ વરસાદી ઝાપટું વરસી ગયું હતું, અને ૪ મી.મી. વરસાદ નોંધાયો છે. જોકે અન્યત્ર માત્ર વરસાદી માહોલ બંધાયો હતો, પરંતુ મેઘરાજા દેખાયા ન હતા.

જામનગર શહેરમાં ગઈકાલે સમગ્ર દિવસ દરમિયાન આકરો તાપ વરસ્યો હતો. જામનગર જિલ્લા કલેકટર કચેરીના કંટ્રોલરૂમના જણાવ્યા અનુસાર આજે સવારે ૮.૦૦ વાગ્યે પુરા થતા ૨૪ કલાક દરમિયાન લઘુતમ તાપમાન ૨૯.૪ ડિગ્રી જયારે મહત્તમ તાપમાન ૩૬.૫ ડિગ્રી સેન્ટિગ્રેડ નોંધાયું છે. વાતાવરણમાં ભેજનું પ્રમાણ ૭૪ ટકા રહ્યું હતું, જ્યારે પવનની ગતિ સરેરાશ  પ્રતી કલાકના ૨૫ થી ૩૦ કિ.મી ની ઝડપે રહી હતી.