ઈઝરાયેલ 380 દિવસથી સતત યુદ્ધ લડી રહ્યું છે. દક્ષિણ લેબનોન અને ગાઝા પટ્ટી પર તેના હુમલા ચાલુ છે. શનિવાર અને રવિવારે ઇઝરાયેલે ગાઝા પટ્ટી પર વિનાશ વેર્યો હતો. ગાઝાના સ્વાસ્થ્ય અધિકારીઓના જણાવ્યા અનુસાર ઈઝરાયેલના હુમલામાં 87 લોકોના મોત થયા છે. બીત લહિયામાં 40 લોકો ઘાયલ થયા છે. બીજી તરફ જબાલિયા કેમ્પમાં ઈઝરાયેલનું ઓપરેશન ચાલુ છે.
ઈઝરાયેલ ઉત્તરી ગાઝા પટ્ટી પર તબાહી મચાવી રહ્યું છે. ઈઝરાયેલે શનિવારની રાત્રે અને રવિવારે અનેક ઘરો પર હુમલો કર્યો હતો. આ હુમલાઓમાં લગભગ 87 લોકોએ જીવ ગુમાવ્યા છે. ઘણા લોકો હજુ પણ ગુમ છે. બીત લાહિયા શહેરમાં ઈઝરાયેલના હુમલામાં 40 લોકો ઘાયલ થયા હોવાના અહેવાલ છે. શનિવારની મોડી રાતથી ઉત્તર ગાઝામાં ઈન્ટરનેટ સેવા પણ ખોરવાઈ ગઈ છે. તે રવિવાર બપોર સુધી પુનઃસ્થાપિત થઇ નથી.
હુમલામાં અનેક ઈમારતો ધરાશાયી
ઈઝરાયેલના હુમલામાં બે દંપતી અને તેમના ચાર બાળકોના જીવ ગયા છે. મૃતકોમાં એક મહિલા, પુત્ર-પુત્રવધૂ અને તેમના ચાર બાળકોનો પણ સમાવેશ થાય છે. આ હુમલામાં એક બહુમાળી ઈમારત અને તેની આસપાસ સ્થિત ચાર મકાનો નાશ પામ્યા હતા. સ્વાસ્થ્ય મંત્રાલયના ડાયરેક્ટર જનરલ મુનીર અલ બુર્શે ટ્વિટર પર એક પોસ્ટમાં લખ્યું છે કે હુમલામાં મોટી સંખ્યામાં લોકો ઘાયલ થયા છે. આનાથી ઉત્તરી ગાઝામાં આરોગ્ય સંભાળ વ્યવસ્થા વધુ ખરાબ થઈ ગઈ છે.
જબાલિયા કેમ્પમાં ઈઝરાયેલનું ઓપરેશન
ઇઝરાયેલની સેના છેલ્લા બે અઠવાડિયાથી જબાલિયા શરણાર્થી કેમ્પમાં મોટું ઓપરેશન ચલાવી રહી છે. ઈઝરાયેલનું કહેવું છે કે તેણે આ અભિયાન હમાસના આતંકવાદીઓ વિરુદ્ધ શરૂ કર્યું છે. આતંકવાદીઓ અહીં ફરી એકઠા થવા લાગ્યા હતા. ઈઝરાયેલની સેનાએ છેલ્લા એક વર્ષથી ઉત્તરી ગાઝા પટ્ટીને ઘેરી લીધી છે. અનુમાન મુજબ ઉત્તરી ગાઝામાં હાલમાં ચાર લાખ લોકો રહે છે.
ઈઝરાયેલ આતંકવાદી હુમલાનો બદલો લઈ રહ્યું છે
7 ઓક્ટોબર, 2023 ના રોજ, હમાસે ઇઝરાયેલની સુરક્ષામાં મોટો ભંગ કર્યો. હમાસના લગભગ 2500 આતંકવાદીઓ ઈઝરાયેલમાં ઘૂસી ગયા હતા. આ આતંકવાદીઓએ લગભગ 1200 ઇઝરાયલી નાગરિકોની હત્યા કરી હતી અને 250 થી વધુ લોકોને બંધક બનાવ્યા હતા. આ પછી તરત જ ઇઝરાયલે હમાસ સામે યુદ્ધની જાહેરાત કરી હતી. ઈઝરાયેલ છેલ્લા 380 દિવસથી યુદ્ધ લડી રહ્યું છે.
ગાઝામાં અત્યાર સુધીમાં 42 હજારના મોત
ગાઝાના આરોગ્ય અધિકારીઓના જણાવ્યા અનુસાર, ઈઝરાયેલના હુમલામાં 42,000 થી વધુ પેલેસ્ટાઈનીઓ માર્યા ગયા છે. ઇઝરાયલે ગાઝાના મોટા વિસ્તારને સપાટ કરી દીધો છે. અહીંની કુલ વસ્તી 2.3 મિલિયન છે પરંતુ યુદ્ધના કારણે આમાંથી 90% લોકોને વિસ્થાપિત થવું પડ્યું છે. આ દરમિયાન અમેરિકન ગુપ્ત દસ્તાવેજોથી જાણવા મળ્યું છે કે ઈઝરાયેલ ઈરાન પર હુમલો કરવા માટે પોતાની સેનાને તૈયાર કરી રહ્યું છે.
લાઈક અને ફોલો કરો અમારું ફેસબુક પેજ FACEBOOK - AAJKAALDAILY
ફોલો કરો અમારું ઇન્સ્ટાગ્રામ INSTAGRAM - AAJKAALDAILY
સબસ્ક્રાઈબ કરો અમારી યૂ ટ્યૂબ ચેનલ YOUTUBE - AAJKAALDAILY
મહત્વના સમાચારો આપના મોબાઇલમા મેળવવા માટે જોડાઓ અમારા વોટ્સએપ ગ્રૂપમાં 99251 12230
View News On Applicationજામનગર મહાનગરપાલિકાની એસ્ટેટ શાખા દ્વારા ગુલાબનગર રોડ પર કરાયેલ ગેરકારે દબાણ દૂર કરવામાં આવ્યું
April 04, 2025 06:36 PMઅમદાવાદમાં વકફ સુધારા બિલનો વિરોધ, ‘સરમુખત્યારશાહી નહીં ચાલે’ના સુત્રોચ્ચાર, 50ની અટકાયત
April 04, 2025 05:52 PMઘરે જ સ્ટીમ ફેશિયલથી મેળવો ચમકતી ત્વચા, નહિ રહે પાર્લરમાં જવાની જરૂર
April 04, 2025 05:06 PMઈંડા અને તેલ વગર આ 5 રીતથી બનાવો મેયોનીઝ
April 04, 2025 04:56 PMCopyright © 2023-2024 Aajkaal Daily
Developed by Rhythm Infotech