ઇઝરાયેલ અને હમાસ વચ્ચે ચાલી રહેલ સંઘર્ષ દિવસેને દિવસે ભયંકર વળાંક લઈ રહ્યો છે. ઈઝરાયેલે ગાઝાના દક્ષિણી શહેર રફામાં ફરી એકવાર હવાઈ હુમલો કર્યો છે. આ હુમલામાં ઓછામાં ઓછા નવ લોકોના ઘટનાસ્થળે જ મોત થયા હતા. હોસ્પિટલના અધિકારીઓએ જણાવ્યું કે મૃતકોમાં છ બાળકો પણ સામેલ છે.

મળતી માહિતી પ્રમાણે ઈઝરાયેલે ગાઝાના દક્ષિણી શહેર રફામાં ફરી એકવાર હવાઈ હુમલો કર્યો છે. આ હુમલામાં ઓછામાં ઓછા નવ લોકોના ઘટનાસ્થળે જ મોત થયા હતા. હોસ્પિટલના અધિકારીઓએ જણાવ્યું કે મૃતકોમાં છ બાળકો પણ સામેલ છે. ગાઝાના આરોગ્ય મંત્રાલયે શનિવારે જણાવ્યું હતું કે છેલ્લા 24 કલાકમાં ઈઝરાયેલના હુમલામાં 37 લોકોના મોત થયા છે.

ઈઝરાયેલે રહેણાંક મકાનને બનાવ્યું નિશાન

ગાઝાના સિવિલ ડિફેન્સે જણાવ્યું હતું કે ઈઝરાયેલે શુક્રવારે મોડી રાત્રે રફા શહેરની પશ્ચિમમાં તેલ સુલતાન વિસ્તારમાં રહેણાંક મકાનને નિશાન બનાવ્યું હતું. તેમણે કહ્યું કે હુમલામાં છ બાળકો, બે મહિલાઓ અને એક પુરુષના મોત થયા છે. મહત્વનું છે કે રફા ઇજિપ્તની સરહદ પર સ્થિત છે.

34 હજારથી વધુ લોકોના મોત

ગાઝાના આરોગ્ય મંત્રાલયે શનિવારે જણાવ્યું હતું કે છેલ્લા 24 કલાકમાં ઇઝરાયેલના હુમલામાં 37 લોકો માર્યા ગયા છે અને 68 ઘાયલ થયા છે. મંત્રાલયે કહ્યું કે ઈઝરાયેલ અને હમાસ વચ્ચે ચાલી રહેલા સંઘર્ષમાં મૃત્યુઆંક 34,049 અને ઘાયલોની સંખ્યા 76,901 પર પહોંચી ગઈ છે. મંત્રાલયના જણાવ્યા અનુસાર માર્યા ગયેલા લોકોમાં ઓછામાં ઓછા બે તૃતીયાંશ બાળકો અને મહિલાઓનો સમાવેશ થાય છે.