અમેરિકામાં જાતીય શોષણ સંબંધિત આરોપોના સંબંધમાં ઇમિગ્રેશન અધિકારીઓએ એક ભારતીય નાગરિક સહિત ચાર લોકોની ધરપકડ કરી છે. ભારતીય નાગરિક જસપાલ સિંહની વોશિંગ્ટનના ટુકવિલામાં ધરપકડ કરવામાં આવી હતી. યુએસ ઇમિગ્રેશન એન્ડ કસ્ટમ્સ એન્ફોર્સમેન્ટ સિએટલે ગયા અઠવાડિયે એક રિલીઝમાં જણાવ્યું હતું કે જસપાલ સિંહ પર જાતીય હત્પમલાનો આરોપ મૂકવામાં આવ્યો છે. ધરપકડ કરાયેલા અન્ય વ્યકિતઓ મેકિસકો, ગ્વાટેમાલા અને અલ સાલ્વાડોરના નાગરિકો છે.
ધરપકડ બાદ, નિષ્કાસનની કાર્યવાહી સુધી ચારેયને આઈસીઈની કસ્ટડીમાં રાખવામાં આવશે. આપણા સમુદાયોનું રક્ષણ કરવું અને વધુ દુપયોગ અટકાવવાનું પેસિફિક નોર્થવેસ્ટમાં આઈસીઈ માટે અત્યતં મહત્વપૂર્ણ છે, સિએટલ ફિલ્ડ ઓફિસના આઈસીઈ એન્ફોર્સમેન્ટ અને રિમૂવલ ઓપરેશન્સના ડિરેકટર ડ્રૂ બોસ્ટોકે જણાવ્યું. આ ધરપકડો એ સંદેશને મજબૂત બનાવે છે કે ગેરકાયદેસર ગુનાહિત તત્વોની હાજરી સહન કરવામાં આવશે નહીં