નિષ્ણાતો કહે છે કે જો ભારત વર્તમાન ગતિ જાળવી રાખે તો તે દર 1.5 વર્ષે તેના જીડીપી માં 1 ટ્રિલિયન ડોલર ઉમેરી શકે છે. એટલું જ નહીં, દેશ 2032ના અંત સુધીમાં 10 ટ્રિલિયન ડોલરની અર્થવ્યવસ્થા બની શકે છે. જો આપણે વિશ્વની ટોચની 3 અર્થવ્યવસ્થાઓ પર નજર કરીએ તો, અમેરિકા હજુ પણ 30.3 ટ્રિલિયન ડોલર સાથે નંબર 1 સ્થાન પર છે, જ્યારે ચીન 19.5 ટ્રિલિયન ડોલર સાથે નંબર 2 પર છે. ત્રીજી સૌથી મોટી અર્થવ્યવસ્થા જર્મની છે.

એક દાયકામાં જીડીપી વધીને બમણો

વૈશ્વિક સંસ્થાએ કહ્યું છે કે ભારતીય અર્થતંત્રનો વિકાસ વિશ્વમાં સૌથી ઝડપી છે અને છેલ્લા 10 વર્ષમાં તે બમણો થયો છે. આ સમયગાળા દરમિયાન તેમાં ૧૦૫ ટકાનો વધારો થયો છે.વર્ષ 2015 માં ભારતનો જીડીપી 2.1 ટ્રિલિયન ડોલર હતો, જે આંતરરાષ્ટ્રીય નાણાકીય ભંડોળ મુજબ હવે વધીને 4.3 ટ્રિલિયન ડોલર થઈ ગયો છે.

ભારત જાપાનની ખૂબ નજીક

આંતરરાષ્ટ્રીય નાણાકીય ભંડોળ મુજબ, ભારતનો જીડીપી હાલમાં જાપાનની ખૂબ નજીક પહોંચી ગયો છે. ભારતનો જીડીપી 4.3 ટ્રિલિયન ડોલર છે, જ્યારે જાપાનનો જીડીપી હાલમાં 4.4 ટ્રિલિયન ડોલર છે. જો આ ગતિ ચાલુ રહેશે, તો ભારત ટૂંક સમયમાં જાપાનથી આગળ નીકળી જશે. એટલું જ નહીં, આઈએમએફએ તો એમ પણ કહ્યું કે ભારત જે ગતિએ આગળ વધી રહ્યું છે તેને ધ્યાનમાં લેતા, જાપાનને પાછળ છોડી દીધા પછી, 2027 ના બીજા ક્વાર્ટર સુધીમાં તે જર્મનીને પણ પાછળ છોડી દેશે, જેનો જીડીપી હાલમાં 4.9 ટ્રિલિયન ડોલર છે.

જીડીપી વૃદ્ધિ દરમાં ભારત આગળ

છેલ્લા દાયકામાં, ભારતે ઘણા મુખ્ય વૈશ્વિક અર્થતંત્રો કરતાં વધુ જીડીપી વૃદ્ધિ દર નોંધાવ્યો છે. દેશનો આર્થિક વિસ્તરણ ચીન, યુનાઇટેડ સ્ટેટ્સ ઑફ અમેરિકા અને ઘણા યુરોપિયન દેશો કરતાં આગળ નીકળી ગયો છે. આ સમયગાળા દરમિયાન, ચીનનો જીડીપી 76%, અમેરિકાનો 66%, જર્મનીનો 44%, ફ્રાન્સનો 38% અને યુકેનો 28% વધ્યો. વાણિજ્ય અને ઉદ્યોગ મંત્રી પીયૂષ ગોયલે એમ પણ કહ્યું છે કે આર્થિક વિકાસની દ્રષ્ટિએ ભારતે જી 7, જીજી20 અને બ્રિકસ ના તમામ દેશો કરતાં વધુ સારું પ્રદર્શન કર્યું છે.

ભારત ૧૦ ટ્રિલિયન ડોલરની અર્થવ્યવસ્થા બનશે

છેલ્લા દાયકામાં સૌથી ઝડપી દરે વિકાસ પામ્યું છે. 2007માં દેશને તેની પહેલી 1 ટ્રિલિયન ડોલર જીડીપી સુધી પહોંચવામાં છ દાયકા લાગ્યા. 7 વર્ષ પછી, 2014 માં, ભારત 2 ટ્રિલિયન ડોલરની અર્થવ્યવસ્થા બન્યું. કોવિડ-૧૯ મહામારી દરમિયાન જ્યારે વિશ્વની અર્થવ્યવસ્થાઓ ભયમાં હતી, ત્યારે પણ ભારતીય અર્થતંત્ર ૨૦૨૧માં ૩ ટ્રિલિયન ડોલર સુધી વધી ગયું હતું અને તે પછી, માત્ર ૪ વર્ષમાં, તે હવે ૪.૩ ટ્રિલિયન ડોલર સુધી પહોંચી ગયું છે.