આઈસીસીનું વાર્ષિક સંમેલન 17 થી 20 જુલાઈ દરમિયાન સિંગાપોરમાં યોજાવાનું છે. આ કોન્ફરન્સ દરમિયાન, આઈસીસી ટુર્નામેન્ટમાં ભારતીય અને પાકિસ્તાની ક્રિકેટના ભવિષ્ય પર ચર્ચા થવાની અપેક્ષા છે. સૂત્રોના જણાવ્યા અનુસાર, બીસીસીઆઈ આ મુદ્દાને બેઠકમાં જોરદાર રીતે ઉઠાવશે. બીસીસીઆઈએ સુનિશ્ચિત કરવાનો પ્રયાસ કરશે કે આઈસીસી ટુર્નામેન્ટમાં ભારત અને પાકિસ્તાન એક જ ગ્રુપમાં ન હોય.

એવી અટકળો ચાલી રહી હતી કે ભારત સપ્ટેમ્બરમાં યોજાનાર એશિયા કપ ક્રિકેટ ટુર્નામેન્ટમાં નહીં રમે, જેમાં પાકિસ્તાન પણ ભાગ લેવાનું છે. જોકે, BCCI એ આ અટકળોને નકારી કાઢી છે. આગામી મહિને શ્રીલંકામાં યોજાનાર મહિલા એશિયા કપને રદ કરવામાં આવ્યો છે કારણ કે ભારત તેમાં ભાગ નહીં લે.