ભારત અને માલદીવ વચ્ચે રાજદ્વારી તણાવ યથાવત છે. આવી સ્થિતિમાં માલેએ નવી દિલ્હીને વધુ એક ઝટકો આપતા માલદીવ હાઈડ્રોગ્રાફિક સર્વેને સમાપ્ત કરવાનો નિર્ણય લીધો છે. પ્રમુખ મોહમ્મદ મુઈઝુએ કહ્યું કે માલદીવ હાઈડ્રોગ્રાફિક સર્વે એગ્રીમેન્ટ રિન્યુ કરવામાં આવશે નહીં.

ભારત અને માલદીવ વચ્ચે રાજદ્વારી તણાવ યથાવત છે. આવી સ્થિતિમાં રાષ્ટ્રપતિ મોહમ્મદ મુઈઝુએ ભારત સાથે માલદીવ હાઈડ્રોગ્રાફિક સર્વે એગ્રીમેન્ટ રિન્યુ ન કરવાની જાહેરાત કરી છે. તમને જણાવી દઈએ કે અગાઉના પ્રશાસને માલદીવની પાણીની અંદરની વિશેષતાઓનું હાઇડ્રોગ્રાફિક સર્વે કરવા માટે ભારત સરકાર સાથે કરાર કર્યા હતા.

પ્રમુખ મુઈઝુએ શું કહ્યું?

પ્રમુખ મુઇઝુએ જાહેરાત કરી હતી કે ભારત સાથે માલદીવ હાઇડ્રોગ્રાફિક સર્વે એગ્રીમેન્ટનું નવીકરણ કરવામાં આવશે નહીં અને કવાયત માટે જરૂરી સુવિધાઓ અને મશીનો હસ્તગત કરવાની યોજના નથી. તેમણે કહ્યું કે, દેશ આ મહિને માલદીવના પાણીની 24x7 મોનિટરિંગ સિસ્ટમ સ્થાપિત કરવા માટે કામ કરી રહ્યો છે જેથી એક્સક્લુઝિવ ઇકોનોમિક ઝોન (EEZ) પર નિયંત્રણ સુનિશ્ચિત થાય.

ગયા વર્ષે ચીન તરફી મોહમ્મદ મુઇઝુએ સત્તા સંભાળી ત્યારથી ભારત-માલદીવના સંબંધોમાં તિરાડ પડી છે. નવેમ્બર 2023 માં શપથ લીધાના કલાકો પછી, મુઇઝુએ માલદીવની સાર્વભૌમત્વ સુનિશ્ચિત કરવાની પ્રતિજ્ઞા લીધી અને ભારતને તેના તમામ સૈનિકો પાછા ખેંચવાની માંગ કરીને પ્રથમ પગલું ભર્યું.