શ્રાવણ મહિનામાં શિવાલયો હર હર મહાદેવનાં નાદથી ગુંજી રહ્યાં છે. આખા મહિનામાં વિવિધ ધાર્મિક વિધિઓ કરવામાં આવે છે. સોમવારે અને ત્રયોદશી, ચતુર્દશીના દિવસે ભોળાનાથની વિશેષ પૂજા કરવામાં આવે છે. જો તમે શ્રાવણ મહિનામાં રાશિ પ્રમાણે પૂજા કરશો તો ભોળાનાથ પ્રસન્ન થઈ શકે છે.

ગ્રહોની અશુભ અસર ઓછી થાય
જ્યોતિષનાં જણાવ્યા અનુસાર, શ્રાવણ મહિનામાં શિવની પૂજા કરવાથી અશુભ ગ્રહોના અશુભ પ્રભાવોને દૂર કરી શકાય છે. શ્રાવણ મહિનામાં શિવની આરાધના કરીને ધન રાશિના અધિપતિ ગ્રહને બળવાન બનાવીને શિવની કૃપાથી જીવનમાં સુખ, શાંતિ અને સમૃદ્ધિ સરળતાથી પ્રાપ્ત કરી શકાય છે.

શ્રાવણ મહિનામાં રાશિ પ્રમાણે કરો પૂજા 

મેષઃ-  શ્રાવણ મહિનામાં શિવલિંગ પર સફેદ ચંદનથી શ્રીરામ લખો અને રોજ જળ ચઢાવો.

વૃષભ:-  શિવલિંગ પર દૂધ અને દહીંનો અભિષેક કર્યા પછી અને ફૂલોની માળા અર્પણ કર્યા પછી સફેદ ચંદનથી તિલક કરો.

મિથુન:- મધ સાથે ભગવાન શિવનો રુદ્રાભિષેક કરો, ત્યારબાદ ગાયને લીલું ઘાસ ખવડાવો.

કર્કઃ- ભગવાન શિવને દૂધ, દહીં, ગંગાજળ અને સાકરથી સ્નાન કરીને અભિષેક કરો.

સિંહ:- શ્રાવણ મહિનામાં ભગવાન શિવને શુદ્ધ દેશી ઘીથી સ્નાન કરાવો.

કન્યા:- ભગવાન શિવને દૂધ અને મધથી અભિષેક કરો બીલીપત્ર, ધતુરા અને ભાંગ ચઢાવો.

તુલા:- શિવલિંગને દહીં અને શેરડીના રસથી સ્નાન કરાવો અને પૂજા કર્યા પછી ગરીબોને સાકરનું દાન કરો.

વૃશ્ચિક:- તીર્થસ્થળના જળ અને દૂધમાં સાકર અને મધ મિક્સ કરીને શિવલિંગને સ્નાન કરાવો અને ચંદનથી તિલક કરો.

ધનુ:- કાચા દૂધમાં કેસર, ગોળ અને હળદર ભેળવીને શિવલિંગને સ્નાન કરાવો અને કેસર-હળદરથી તિલક કરો અને પીળા ફૂલ ચઢાવો.

મકર:- શિવલિંગને ઘી, મધ, દહીં અને બદામના તેલથી અભિષેક કરો અને નારિયેળના પાણીથી સ્નાન કરો અને વાદળી ફૂલ ચઢાવો.

કુંભ:- ભગવાન શિવને ગંગા જળમાં ભસ્મ ભેળવીને સ્નાન કરાવ્યા બાદ સરસવના તેલનું તિલક લગાવો.

મીન:- ભગવાન શિવને સ્નાન કરાવ્યા પછી કાચા દૂધમાં હળદર મિક્સ કરીને કેસરનું તિલક લગાવો, પીળા ફૂલ અને કેસર ચઢાવો.