આસામમાં કોંગ્રેસ વિધાનસભાની ચૂંટણીની તૈયારીમાં વ્યસ્ત છે. આ જોતાં કોંગ્રેસના મહાસચિવ પ્રિયંકા ગાંધી વાડ્રાએ આજે ​​આસામના સાધારુમાં ચાના બગીચાના મજ્રુરો સાથે ચા પત્તા તોડ્યા  હતા. કોંગ્રેસે પણ તેના ઘણા ફોટો તેના ટ્વિટર હેન્ડલ પર શેર કર્યા છે. પ્રિયંકા ગાંધીના આસામ પ્રવાસનો આ બીજો દિવસ છે.

 

ચૂંટણીના પ્રચાર માટે આવેલી પ્રિયંકા ગાંધીએ આજે ​​સદરુ ટી એસ્ટેટમાં મહિલા મજૂરો સાથે વાતચીત પણ કરી હતી. તે તેજપુરના મહાભૈરવ મંદિરમાં પણ પ્રાર્થના કરશે અને બાદમાં એક સભાને સંબોધન કરશે. સૂત્રો કહે છે કે, પ્રિયંકા ગાંધી કેરળ, પુડુચેરી અને પશ્ચિમ બંગાળની પણ યાત્રા કરશે.

આ અગાઉ કોંગ્રેસના નેતા રાહુલ ગાંધીએ આસામની મુલાકાત લીધી હતી અને એક રેલીને સંબોધન કર્યું હતું જેમાં તેમણે કહ્યું હતું કે નાગરિકતા સુધારો અધિનિયમ (સીએએ) કોંગ્રેસ પાર્ટીના મુખ્ય એજન્ડા તરીકેની રૂપરેખામાં આવશે.

આસામની 126 બેઠકો માટે 27 માર્ચ, 1 એપ્રિલ અને 6 એપ્રિલના રોજ ત્રણ તબક્કામાં મતદાન થશે. ચૂંટણીના પરિણામો 2 મેના રોજ જાહેર કરવામાં આવશે. હાલમાં એનડીએ સરકાર છે અને સર્વાનંદ સોનોવાલ મુખ્યમંત્રી છે. ગત ચૂંટણીમાં ભાજપે 89 બેઠકો પર લડ્યા હતા અને 60 બેઠકો પર વિજય મેળવ્યો હતો.