ઉપલેટાનાં મામલતદાર મહેશ ધનવાણી દ્રારા ખનિજ ચોરી કરતાં તત્વોની સાતમ બગાડી નાખી બીજા દિવસે પણ ધોંસ બોલાવી ટ્રક અને ૩૦ ટન રેતી સાથે ૨૬.૫૦ લાખનો મુદ્દામાલ કબજે કરી સ્થાનિક પોલીસને સોંપી આપ્યો હતો.
ગતરાત્રે ચાર વાગ્યે મામલતદાર મહેશ ધનવાણી આકસ્મીક તપાસ દરમિયાન કોલકી અંદર બાયપાસ રોડ પરથી પસાર થઈ રહેલ ટ્રક નં.૩૩૩૯ને અટકાવીને તપાસ કરતા તેમાં ૩૦ ટન જેટલી સાદી રેતી રોયલ્ટી વગરની ભરેલ હોય આથી મામલતદાર ધનવાણીએ આગળની કાર્યવાહી હાથ ધરી ટ્રકની કિંમત ૨૫ લાખ તેમજ ૩૦ ટન રેતીની કિંમત દોઢ લાખ મળી કુલ ૨૬ લાખ ૫૦ હજારનો મુદ્દામાલ કબજે કરી સ્થાનિક પોલીસને સોંપી આપેલ હતો. વધુ કાગળો ખાણ ખનિજ ખાતાને મોકલી અપાયા હતાં. તહેવાર દરમિયાન ખનિચ ચોરો ઉપર ધોંસ બોલતા ખનિજ ચોરોમાં ભારે ફફડાટ વ્યાપી ગયો હતો