સિહોર ટાણામાં  આવેલ તળાવમાં ગાંડી વેલે છેલ્લા કેટલાક સમયથી પોતાનું સામ્રાજ્ય જમાવ્યું છે. હાલમાં પણ તળાવ પર ગાંડી વેલ છવાયેલી છે અને તેના ઉપર કચરાના ઢગલા જાવા મળી રહ્યા છે. જેના કારણે મચ્છરોનો ઉપદ્રવ થાય અને રોગચાળો ફાટી નીકળે તેવો ભય રહેલો છે. વર્તમાનમાં જ આસપાસ વિસ્તારોમાં ઘરે-ઘરે ડેન્ગ્યુ અને ચીકનગુનીયાના ખાટલા છે. આમ છતાં તંત્રના પેટનું પાણી હલતું નથી. તંત્ર દ્વારા ગંદકીની સફાઈ અંગેની કામગીરીમાં ઉદાસીનતા દાખવે છે. જેના કારણે લોકોએ રોગચાળાનો શિકાર થવું પડે છે. ત્યારે ગંદકીના ગંજ અને ગાંડી વેલ દૂર કરવામાં આવે તેવી માંગ ઉઠવા પામી છે. 
 તળાવમાં ગાંડી વેલ નો ઉપદ્રવ ઘણા સમયથી છે અને આ વેલ ના કારણે તળાવ મા સંગ્રહ કરેલ કુદરતી જળ સ્ત્રોત ને નુકશાન થય રહ્યું છે તેમજ આ વેલ ના કારણે આજુ બાજુના લોકોને મચ્છર જનય રોગો થવાની શક્યતા છે તેમજ આ વિસ્તાર ના ખેડુતોને આ તળાવ ના પાણી થી જે લાભ થાય એમ છે તે ખેડુતો ને પણ નુકશાન થય રહ્યું છે આ તળાવ એક કિલ્લોમીટર ની લંબાઇ મા આવેલ છે જેમા મોટા પ્રમાણ મા કુદરતી જળ સ્ત્રોત નો સંગ્રહ થાય છે પણ હાલ મા આ વેલ ના કારણે તળાવ મા પાણી લાંબા સમય સુધી રહેતુ નથી એટલે ખેડુતો ને પણ આ કારણે નુકશાની વેઠવી પડે છે. આ બાબતે અગાઉ પણ રજુઆત કરવામાં આવી હતી. ત્યારે ફરી ટાણાના તળાવમાં ગાંડી વેલનો ઉપદ્રવ છેલ્લા ઘણા સમયથી છે, તળાવ મા સંગ્રહ કરેલ કુદરતી જળ સ્ત્રોત ને નુકશાન થય રહ્યું હોય સત્વરે ગાંડી વેલનું સામ્રાજ્ય હટાવવાની ગ્રામજનો દ્વારા  માંગ કરવામાં આવી છે.