રાણાવાવમાં જે.સી.બી.ના ભાડાના પૈસાની ઉઘરાણી પ્રશ્ર્ને યુવાન ઉપર હુમલો થતા પોલીસ ફરીયાદ દાખલ થઇ છે.
રાણાવાવના અમરદળ ગામે વાડી વિસ્તારમાં રહેતા અને જે.સી.બી. ભાડે આપતા પ્રવીણ રૂડાભાઈ પીપરોતર નામના યુવાને એવી પોલીસ ફરીયાદ નોંધાવી છે કે,એક વર્ષ પહેલા તેણે પોતાનું જે.સી.બી.રાણાવાવના મફતીયાપરા બાયપાસ વિસ્તારમાં રહેતા અબ્દુલ લાખા ઉર્ફે કારા મંગરીયાને ભાડે આપ્યું હતુ.અને તેનું ૬૫૦૦ ‚પિયા ભાડું લેવાનું બાકી હતુ.તે લેવા માટે રાણાવાવના આશાપુરા ચોકમાં અબ્દુલ પાસે ગયા ત્યારે તે ગાળો બોલવા લાગ્યો હતો અને ઉશ્કેરાઈને લોખંડના સળિયા વડે પ્રવીણને માર મારતા માથામાંથી લોહી નીકળવા લાગ્યા હતા તેથી અબ્દુલ દોડીને ભાગી ગયો હતો,ત્યારબાદ પ્રવીણભાઈના જાણીતા સુરેશભાઈ ગીરધરભાઈ જોશી તેના બાઈકમાં બેસાડીને રાણાવાવના સરકારી દવાખાને લાવ્યા હતા અને ત્યાંથી વધુ સારવાર માટે ઈમરજ્ન્સી સેવા ૧૦૮ મારફતે પોરબંદરની સરકારી ભાવસિંહજી હોસ્પિટલમાં દાખલ કરવામાં આવતા ઈમરજ્ન્સી વોર્ડમાં સારવાર લઇ રહ્યા છે અને માર મારનારા અબ્દુલ  કારા સામે ગુન્હો દાખલ કરાવ્યો છે.