શંકરટેકરીમાં દરોડો : રોકડ અને આંકડા લખેલી ચિઠ્ઠીઓ કબ્જે

જામનગરના શંકરટેકરી બારોટફળી વિસ્તારમાં જાહેરમાં વર્લી મટકાનો જુગાર રમતા રોકડ સાથે મહિલા સહિત બે ને પકડી લેવાયા હતા.

શહેરના શંકરટેકરી વિસ્તારમાં રહેતી જશુબેન મહેન્દ્ર ચાંદ્રા નામની મહિલા જાહેરમાં વર્લી મટકાના આંકડાનો જુગાર રમતા સીટી-સી પોલીસે દરોડો પાડીને રોકડા 151 અને આંકડા લખેલી બે ચિઠ્ઠી સાથે અટકમાં લીધી હતી. તપાસ દરમ્યાન શંકરટેકરી 49 રોડ ખાતે રહેતા ભંગારની ફેરીવાળા લખમણ ચના ચૌહાણ નામના ઇસમ પાસે આંકડાની કપાત કરાવતા હોવાનું ખુલ્યુ હતું, બંનેની સામે જુગારધારા મુજબ કાર્યવાહી કરવામાં આવી હતી.