ભારત અને પાક વચ્ચે ચાલી રહેલા તણાવમાં હાલ પુરતી શાંતિ સ્થપાઈ છે ત્યારે બે કરતા વધુ વર્ષથી લડી રહેલા યુક્રેન અને રશિયા વચ્ચે પણ ગુરુવારે યુદ્ધવિરામ મુદે ચર્ચા કરવા તુર્કીમાં મહત્વની બેઠક યોજાઈ રહી છે. યુક્રેનના રાષ્ટ્રપતિ વોલોડીમીર ઝેલેન્સકીએ કહ્યું છે કે તેઓ રશિયા સાથે સંપૂર્ણ અને સ્થાયી યુદ્ધવિરામની અપેક્ષા રાખે છે. તેમણે એમ પણ કહ્યું કે તેઓ તુર્કી જશે અને ત્યાં રશિયન રાષ્ટ્રપતિ પુતિન સાથે વ્યક્તિગત રીતે વાત કરશે. ઝેલેન્સકીએ સોશિયલ મીડિયા પ્લેટફોર્મ એક્સ પર લખ્યું કે અમે સોમવારથી શરૂ થતા સંપૂર્ણ અને કાયમી યુદ્ધવિરામની રાહ જોઈ રહ્યા છીએ જેથી રાજદ્વારી માટે જરૂરી આધાર પૂરો પાડી શકાય.

રાષ્ટ્રપતિ ઝેલેન્સકીએ કહ્યું કે આ સંહારને લંબાવવાનો કોઈ અર્થ નથી. તેમણે કહ્યું કે હું ગુરુવારે તુર્કીમાં પુતિનની રાહ જોઈશ. મને આશા છે કે આ વખતે રશિયનો બહાના શોધશે નહીં. અમે આવતીકાલથી શરૂ થતા સંપૂર્ણ અને સ્થાયી યુદ્ધવિરામની રાહ જોઈ રહ્યા છીએ, જેથી રાજદ્વારી માટે જરૂરી આધાર પૂરો પાડી શકાય. હત્યાઓને લંબાવવાનો કોઈ અર્થ નથી. અને હું ગુરુવારે તુર્કીમાં પુતિનની રાહ જોઈશ મને આશા છે કે આ વખતે રશિયનો શોધશે નહીં

રાષ્ટ્રપતિ ડોનાલ્ડ ટ્રમ્પે ઓફર કરી

ઝેલેન્સકીનું આ નિવેદન એવા સમયે આવ્યું છે જ્યારે યુએસ રાષ્ટ્રપતિ ડોનાલ્ડ ટ્રમ્પે યુક્રેનને રશિયાની નવીનતમ ઓફર સ્વીકારવા કહ્યું હતું, જેમાં ગુરુવારે તુર્કીમાં સીધી વાતચીતનો મુદો ઉઠાવવામાં આવશે. પરંતુ યુક્રેન અને તેના યુરોપિયન સાથીઓ ઇચ્છે છે કે રશિયા પહેલા સોમવારથી 30 દિવસનો બિનશરતી યુદ્ધવિરામ લાગુ કરે, ત્યારબાદ જ કોઈપણ વાતચીત થઈ શકે.

યુદ્ધનો અંત લાવવાનો માર્ગ

પશ્ચિમી દેશોએ સોમવારથી શરૂ થતી લડાઈમાં 30 દિવસનો વિરામ માંગ્યો હતો, ત્યારબાદ યુરોપિયન નેતાઓ શનિવારે કિવમાં મળ્યા હતા. તે હસ્તક્ષેપ પછી પુતિને સીધી વાતચીતની ઓફર કરી. રવિવારે, ટ્રમ્પે સોશિયલ મીડિયા પર પોસ્ટ કરી હતી કે યુક્રેનને તાત્કાલિક આ માટે સંમત થવું જોઈએ અને તેનાથી સ્પષ્ટ થશે કે યુદ્ધનો અંત લાવવાનો કોઈ રસ્તો છે કે નહીં.

યુદ્ધવિરામ પર સંમતિની ઝેલેન્સકીને આશા

એક્સ પરની તેમની પોસ્ટમાં, ઝેલેન્સકીએ કહ્યું કે તેમને આશા છે કે રશિયા વાટાઘાટો પહેલા યુદ્ધવિરામ માટે સંમત થશે. તેમણે કહ્યું કે અમે સોમવારથી શરૂ થતા સંપૂર્ણ અને કાયમી યુદ્ધવિરામની રાહ જોઈ રહ્યા છીએ જેથી રાજદ્વારી માટે જરૂરી આધાર પૂરો પાડી શકાય.

યુદ્ધવિરામ પર પુતિને સીધી સંમતી ન આપી

શનિવારે મોડી રાત્રે આપેલા સંબોધનમાં પુતિને કહ્યું કે તેઓ એવી શક્યતાને નકારી શકતા નથી કે વાટાઘાટો રશિયા અને યુક્રેનને નવા યુદ્ધવિરામ પર સંમત થવા તરફ દોરી શકે છે, પરંતુ તેમણે 30 દિવસના યુદ્ધવિરામ માટેના આહ્વાનને સીધી રીતે સંબોધિત કર્યું ન હતું.