સલાયામાં સર્વે નંબર ૧૫૦ પૈકી ૧ માં કોમન પ્લોટ આવેલ છે. જે સોસાયટી ધારકનો હોઈ જેમાં સલાયા નગરપાલિકાએ રજાચિઠ્ઠી આપેલ હતી.જે કાયદાકીય રીતે સુસંગત ન હતી. ત્યારબાદ આ સોસાયટી ધારક અને માલિક દ્વારા પ્રાદેશિક નિયામક રાજકોટને શાળાનું બાંધકામ ચાલુ થયેલ હોઈ જે ગેરકાયદેસર કામકાજ અટકાવવા માટે સોસાયટીધારકો તથા માલિક દ્વારા પ્રાદેશિક કમિશ્નરે રાજકોટને ૨૫૮ હેઠળ ફરિયાદ કરેલી જેના અનુસંધાને કમિશ્નર તા.૦૧/૦૪/૨૦૧૯ ના રોજ નગરપાલિકાનો ઠરાવ ગેરકાયદેસર ઠરાવેલ હતો અને જો ઠરાવની અમલવારી થયેલ હોઈ તો નામદાર કોર્ટનો હુકમ ન આવે ત્યાં સુધી કામ મોકૂફ રાખવાનું જણાવેલ હતું જે ઘણા સમયથી બંધ હતું. જે બાદ આજરોજ અચાનક શાળાના બાંધકામ માટે તા.૧૫/૦૨/૨૦૨૪ ના રોજ માણસો કામકાજ કરતા હોઈ અને જેસીબી દ્વારા ખોદકામ કરતા હોઈ અને એક ટ્રકમાં આવેલ સિમેન્ટ બ્લોક તથા સિમેન્ટ ઉતરતા હોઈ તેવી જાણ જમીન માલિકને થતા સ્થળ ઉપર જઈ અને પૂછતો ત્યાં હાજર કોન્ટ્રાક્ટરે જણાવેલ કે અમોને ગાંધીનગરથી વર્ક ઓર્ડર મળેલ છે.
તે અંગે જમીન ધારકોએ ચીફ ઓફિસર સલાયાને ટેલિફોનિક પૂછપરછ કરતા તેઓ દ્વારા - જણાવેલ કે તેમની કચેરીને આવું કોઈ કામ ચાલુ કરવા અંગે સંબંધિત કચેરીએ જાણ કરેલ નથી. આ રીતે પ્રાદેશિક કમિશ્નરશ્રીના હુકમ વિરુદ્ધ ગેરકાયદેસર રીતે શાળાનું કામકાજ ચાલુ કરી કમિશ્નરશ્રીના હુકમનો ભંગ કરેલ છે. તથા નામદાર કોર્ટમાં કેસ પેન્ડિંગ હોવા છતાં કામકાજ ચાલુ કરેલ હોઈ સોસાયટી ધારકો અને માલિક દ્વારા વિરોધ કરતા આ કામ કાજ તુરંત બંધ કરવામાં આવેલ છે. સોસાયટી ધારકો અને માલિક દ્વારા આ ગેરકાયદેસર બાંધકામ ફરી ચાલુ કરવા બાબતે કાયદાકીય કાર્યવાહી હાથ ધરી છે.