ફોટો ક્લિક કરાવવા માટે કોઈ ખાસ પ્રસંગની જરૂર નથી પરંતુ કેટલીક મહિલાઓ ઘણીવાર ફોટો પડાવવાનું ટાળે છે. એવરેજ બોડી હોવા છતાં પણ તે ફોટોમાં જાડી દેખાય છે. જેના કારણે તે ફોટોગ્રાફ લેવાની ના પાડે છે. જો પોઝ આપતી વખતે આ બે નાની ટ્રિક્સ ફોલો કરશો તો કોઈપણ ફોટોમાં શરીર ફેટ નહીં દેખાય. જાણો આ બે ટિપ્સ.

45 ડિગ્રીના ખૂણા પર ફોટોગ્રાફ

ફોટો પડાવતી વખતે મોટાભાગના લોકો સીધા ઉભા રહે છે અને સીધા કેમેરામાં જુએ છે. આમ કરવાથી શરીર વધુ બલ્કી દેખાઈ શકે છે. તેના બદલે ખભા સીધા કરો અને તેમને સહેજ ત્રાંસા રાખો એટલે કે કેમેરાથી 45 ડિગ્રીના ખૂણા પર પોઝ આપો. આમ કરવાથી ફોટો વધુ પરફેક્ટ લાગે છે.

હાથને શરીરથી દૂર રાખો

પોઝ કરતી વખતે હાથને શરીરની ખૂબ નજીક ન લાવો. આમ કરવાથી હાથ ફેટી લાગે છે અને શરીર પણ ભારે દેખાવા લાગે છે. તેના બદલે હાથને શરીરથી દૂર રાખીને પોઝ આપો. ઉદાહરણ તરીકે, હાથને કમર પાસે અથવા વાળ પર, હવામાં અથવા કોઈ વસ્તુ પર રાખો. આમ કરવાથી હાથ પરની ચરબી દેખાશે નહીં અને ફોટો પણ પરફેક્ટ દેખાશે. આ સિવાય કેટલાક પોઝ એવા છે જે ફોટોને પરફેક્ટ બનાવે છે. જેમ કે પગ લંબાવીને પોઝ આપવો અથવા સીડી પર બેસીને પોઝ આપવો.