શિયાળામાં ચહેરા પરનો ભેજ ઓછો થવા લાગે છે જેના કારણે ચહેરો નિસ્તેજ પણ દેખાય છે. જો કે આ ખૂબ જ સામાન્ય છે. આ માટે મોઇશ્ચરાઇઝરનો ઉપયોગ કરવામાં આવે છે પરંતુ યોગ્ય સ્કિન કેર પણ ખૂબ જ મહત્વપૂર્ણ છે. કારણ કે જો શુષ્કતા વધુ પડતી થઈ જાય તો તે ત્વચા પર લાલાશ, ખંજવાળ અને ખરબચડી ત્વચા થઇ જાય છે. તેથી આ ઋતુમાં ત્વચાની સંભાળ રાખવાની દિનચર્યા અપનાવવી જોઈએ. જેના માટે લોકો અનેક પ્રકારના ઉત્પાદનોનો ઉપયોગ કરે છે.

ઘરમાં કેટલીક એવી વસ્તુઓ હોય છે જે કુદરતી ચમક લાવવા અને ચહેરાને નમી આપવામાં મદદરૂપ સાબિત થાય છે. જે લોકો શિયાળામાં ખૂબ જ શુષ્ક રહે છે તેઓ રાત્રે સૂતા પહેલા તેમની ત્વચા પર નાળિયેર  તેલ લગાવી શકે છે. તેમાં કેટલીક વસ્તુઓ મિક્સ કરીને ફેસ પેક પણ બનાવી શકો છો અને તેને ચહેરા પર લગાવી શકો છો.

નાળિયેર તેલ અને મધ

નાળિયેર તેલ અને મધ ત્વચા અને વાળ બંને માટે ફાયદાકારક છે. નાળિયેર તેલ ત્વચાને હાઇડ્રેટ અને મોઇશ્ચરાઇઝ કરવામાં મદદ કરે છે, જ્યારે મધમાં હાજર એન્ટીઑકિસડન્ટો ક્ષતિગ્રસ્ત ત્વચાને સુધારવામાં અને ચમક લાવવામાં મદદ કરે છે. 1 ચમચી નાળિયેર તેલમાં 1 ચમચી મધ મિક્સ કરો અને પછી તેને તમારા ચહેરા પર 15 થી 20 મિનિટ સુધી લગાવો અને પછી પાણીથી ચહેરો ધોઈ લો.

નાળિયેર તેલ અને એલોવેરા

એલોવેરા જેલ ત્વચા માટે ખૂબ જ ફાયદાકારક છે, કારણ કે તે માત્ર ચહેરાને હાઇડ્રેટ કરવામાં જ મદદ નથી કરતું પરંતુ બળતરા ઘટાડવામાં પણ મદદ કરે છે. આ બંને ત્વચાને ભેજ આપવાનું અને શુષ્કતા દૂર કરવાનું કામ કરે છે. 1 ચમચી નાળિયેર તેલ અને 1 ચમચી એલોવેરા જેલ સારી રીતે મિક્સ કરો. તેને ત્વચા પર લગાવો અને 20 થી 30 મિનિટ પછી ચહેરો ધોઈ લો.

નાળિયેર તેલ અને વિટામિન ઇ કેપ્સ્યુલ્સ

નાળિયેર તેલ અને વિટામીન E કેપ્સ્યુલ મિક્સ કરીને ચહેરા પર લગાવવાથી ચહેરા પર ચમક તો આવે જ છે પરંતુ કરચલીઓ ઓછી કરવામાં પણ મદદ મળે છે. વિટામિન E ત્વચાને કોમળ અને મુલાયમ બનાવવામાં મદદરૂપ છે. તે ત્વચાને સુધારવામાં મદદ કરે છે અને તેને મોઇશ્ચરાઇઝ પણ કરે છે. નાળિયેર  તેલ અને વિટામીન E કેપ્સ્યુલને મિક્સ કરીને ચહેરા પર લગાવી શકો છો. તેને ત્વચા પર હળવા હાથે મસાજ કરો અને આખી રાત રહેવા દો અને પછી 15 થી 20 મિનિટ પછી ચહેરાને પાણીથી ધોઈ લો.