જો મોમોઝ ખાવાનો શોખ છે પરંતુ તે મેંદાના બનેલા હોવાને કારણે તેને વધુ પ્રમાણે ખાઈ શકાતા નથી. તો સમસ્યાનો ઉકેલ તરીકે આ રીતથી મોમોઝ બનાવીને ખાઈ શકાય છે. મોમોઝ સાથે પીરસવામાં આવતી લાલ ચટણી તેનો સ્વાદ વધારે છે. હોટ મોમોઝ જે બાળકો અને પુખ્ત વયના લોકો માટે મનપસંદ છે, તે સાંજના નાસ્તા માટે ઉત્તમ વિકલ્પ બની શકે છે. પરંતુ મોટાભાગના લોકો મોમોઝ ખાવાનું ટાળે છે કારણકે તે મેંદામાંથી બને છે પરંતુ મોમોઝની આ રેસીપીમાં તે મેંદાથી નહીં પણ રવાના લોટ વડે તૈયાર કરવામાં આવે છે. મોમોઝની આ રેસીપી એકદમ હેલ્ધી છે કારણકે તે સોજી અને શાકભાજીમાંથી બનાવવામાં આવે છે. તો આ વીકેન્ડને સ્વાદિષ્ટ બનાવવા માટે નોંધી લો મોમોઝની આ ટેસ્ટી અને હેલ્ધી રેસીપી.

સોજીના મોમોઝ બનાવવા માટેની સામગ્રી-

- દોઢ કપ સોજી

-એક ચમચી બારીક સમારેલું લસણ

-એક ચમચી બારીક સમારેલ લીલું મરચું

- દોઢ કપ બારીક સમારેલી કોબી

-અડધો કપ બારીક સમારેલી લીલી ડુંગળી

-અડધી ચમચી કાળા મરી પાવડર

-એક ચમચી રેડ ચીલી સોસ

સોજીના મોમોઝ બનાવવાની રીત-

સોજીના મોમોઝ બનાવવા માટે સૌપ્રથમ દોઢ કપ સોજીને મિક્સરમાં નાખીને બારીક પીસી લો. તે પછી સોજીને હૂંફાળા પાણીથી ઘટ્ટ બનાવી તેને ઢાંકીને 10 થી 15 મિનિટ માટે રહેવા દો. પછી મોમોઝનું સ્ટફિંગ તૈયાર કરવા માટે એક પેનમાં એક ચમચી તેલ ઉમેરો અને તેને ગરમ કરો. તે પછી  પેનમાં બારીક સમારેલા આદુ, લસણ અને લીલોતરી ઉમેરો અને હળવા ફ્રાય કરો. આ પછી પેનમાં ઝીણી સમારેલી ડુંગળી ઉમેરો અને તેને 10 થી 15 સેકન્ડ માટે ઉંચી આંચ પર શેકો. પછી બે બારીક સમારેલા નાના ગાજર ઉમેરો અને તેને 15 સેકન્ડ માટે ફ્રાય કરો. હવે પેનમાં ઝીણી સમારેલી કોબી અને લીલી ડુંગળી નાખીને 2 મિનિટ માટે સારી રીતે શેકો. બધાં શાક બરાબર શેકાઈ જાય પછી તેમાં સ્વાદ મુજબ મીઠું, એક ચમચી સોયા સોસ, અડધી ચમચી કાળા મરીનો પાવડર, બધું એક મિનિટ માટે ફ્રાય કરી, ગેસ બંધ કરીને શાકભાજીને ઠંડા થવા માટે બાજુ પર રાખો.

મોમોઝ તૈયાર કરવા માટે હાથ પર થોડું તેલ લગાવીને સોજીના લોટને સરખી રીતે વણી લો. હવે આ સોજીના લોટના નાના-નાના બોલ બનાવો, પાટલી પર થોડો લોટ લગાવો અને બોલને હળવા હાથે રોલ કરો. હવે સોજીથી બનેલા આ મોમોઝના પળ ઉપર વચમાં વેજીટેબલ સ્ટફિંગ મૂકો અને કિનારી પર હળવું પાણી લગાવો અને મોમોઝને આકાર આપો.

મોમોઝને સ્ટીમ કરવા માટે, એક તપેલીમાં પાણી ભરો, તેના પર જાળી મૂકો અને તેના પર નેલ લગાવો. હવે આ પ્લેટમાં તૈયાર કરેલા મોમોઝને ઢાંકીને 12 થી 15 મિનિટ સુધી મધ્યમ તાપ પર વરાળથી પકાવો. ટેસ્ટી હેલ્ધી મોમોઝ તૈયાર.

મોમોસ ચટણી-

મોમોસ ચટણી બનાવવા માટે એક વાસણમાં બે ચમચી ટોમેટો કેચપ, એક ચમચી લાલ મરચાની ચટણી, બારીક સમારેલી લીલી ડુંગળી, લસણ, આદુ, ચીલી ફ્લેક્સ, અડધી ચમચી સોયા સોસ, મીઠું નાખીને બધું બરાબર મિક્સ કરી લો. તૈયાર છે સ્વાદિષ્ટ અને મસાલેદાર મોમોસ ચટણી.