જ્યારે પણ કંઈક નવું શરૂ કરવામાં આવે છે ત્યારે તેના કેટલાક ફાયદા અને કેટલાક ગેરફાયદા હોય છે. ફૂડ ઓનલાઈન ઓર્ડર કરવાની સુવિધા હોય કે પછી ટેક્સી બોલાવવાની. ક્યારેક આપણો અનુભવ બહુ સારો હોય છે તો ક્યારેક એટલો ખરાબ હોય છે કે આપણે તેને સરળતાથી ભૂલી શકતા નથી. આવી જ એક ઘટના હાલ સોશિયલ મીડિયા પર ચર્ચાઈ રહી છે.

આજકાલ, લોકો ગમે ત્યાં જવા માટે ટેક્સી ઓર્ડર માટે એપ્સનો ઉપયોગ કરે છે. જ્યારે એક યુવતીએ પણ આવું જ કર્યું ત્યારે ડ્રાઈવરે કંઈક એવું કહ્યું જેનાથી યુવતી ચોંકી ગઈ. આ મામલો બાઇક અને ટેક્સી સર્વિસ કંપની રેપિડો સાથે સંબંધિત છે. યુવતીએ પોતાના માટે એક કેબ મંગાવી હતી પરંતુ તેની સાથે શું થયું તેની તેને અપેક્ષા પણ નહોતી.

ઓશિની ભટ્ટ નામની યુવતીએ રેપિડોમાં ઈકોનોમી ક્લાસ બુક કરાવ્યો હતો કારણ કે તે એકદમ સસ્તું હતું. જોકે, કંપનીએ મહિલા માટે એક પ્રીમિયમ કાર બુક કરાવી હતી, જેનું ભાડું ઘણું વધારે હતું. યુવતીને ખબર પડી કે ડ્રાઈવરે આ કૃત્ય કર્યું છે. જ્યારે ડ્રાઈવરે મહિલાને ભાડું આપવાનું કહ્યું તો તેણે વધુ ભાડું આપવાનો ઈન્કાર કરી દીધો. એ પછી નારાજ ડ્રાઈવરે પોતાનું રૂપ બતાવ્યું. યુવતીએ તેનો સ્ક્રીનશોટ વાયરલ કર્યો છે, જેમાં લખ્યું છે- 'રાઈડ કેન્સલ કરો નહીંતર..., ભિખારી, સસ્તી રાઈડ જોઈતી હોય તો ચાલીને જા.'

મહિલાનો આ સ્ક્રીનશોટ માઇક્રોબ્લોગિંગ સાઇટ એક્સ પર વાયરલ થઇ રહ્યો છે અને લોકો પોતાનો ગુસ્સો વ્યક્ત કરી રહ્યા છે. મહિલાની આ પોસ્ટ જોઈને યુઝર્સે તેના પ્રત્યે સહાનુભૂતિ વ્યક્ત કરી અને ડ્રાઈવર સામે કડક કાર્યવાહીની માંગ કરી. રેપિડોએ આ ઘટના માટે માફી માંગી છે અને કહ્યું છે કે આવી કાર્યવાહી ફરી ક્યારેય નહીં થાય.