જો જાન્યુઆરીમાં ખાદ્ય ફુગાવો ઘટશે તો આરબીઆઈની મોનેટરી પોલિસી કમિટી ફેબ્રુઆરીમાં વ્યાજદરમાં ઘટાડો કરવા વિચારી શકે છે. આઈસીઆઈસીઆઈ બેંકના રિપોર્ટમાં જણાવાયું છે કે જો ખાદ્ય કિંમતોમાં ઘટાડો થાય છે, તો આરબીઆઈ આર્થિક વૃદ્ધિને ટેકો આપવા માટે નીતિ દરોમાં રાહતનો માર્ગ અપ્નાવી શકે છે. અહેવાલમાં જણાવાયું છે કે લોકોને નવા વર્ષમાં વધુ ઈએમઆઈની સાથે ખાદ્ય ચીજવસ્તુઓની મોંઘવારીથી રાહત મળી શકે. આરબીઆઈ તરફથી રેપો રેટ ઘટાડ્યા બાદ બેંકો પણ તેમની લોન સસ્તી કરી શકે છે અને લોકોની હોમ-કાર લોનની ઈએમઆઈ ઘટી શકે છે. આરબીઆઈ એમપીસીની મિનિટ્સ પરથી જાણવા મળ્યું છે કે તેના બે સભ્યોએ રેટ કટની હિમાયત કરી છે. યુએસ ફેડરલ રિઝર્વનું કડક વલણ અને ડોલરનું રૂપિયા પર તીવ્ર દબાણ છે, જે આગળ પણ ચાલુ રહી શકે છે.
સ્ટાન્ડર્ડ ચાર્ટર્ડ બેંકના રિપોર્ટમાં કહેવામાં આવ્યું છે કે મોંઘવારી વધવાની રફતાર ધીમી પડવાને કારણે આરબીઆઈએ 2025માં દરમાં ઘટાડાનો સંકેત આપ્યો છે. જોકે, ટ્રમ્પ્ની નીતિઓમાં અનિશ્ચિતતાના કારણે વ્યાજદરમાં ઘટાડાનો સમય પ્રભાવિત થઈ શકે છે. અહેવાલ મુજબ, વર્તમાન આર્થિક વાતાવરણ જટિલ છે. આ કારણે વૈશ્વિક અને સ્થાનિક પરિબળો નાણાકીય નીતિના નિર્ણયોને પ્રભાવિત કરી શકે છે.