અઠવાડિયામાં આવકવેરા વિભાગ એ બીજું મેગા સર્ચ ઓપરેશન હાથ ધરતા સમગ્ર રાયમાં ખળભળાટ મચી જવા પામ્યો છે. હજુ તો ગાંધીધામમાં બે ગ્રુપ ઉપર આવકવેરાની તપાસ પૂરી પણ થઈ નથી ત્યાં અમદાવાદ અને ગાંધીનગરમાં બિલ્ડર જૂથ પર આવકવેરા વિભાગે તવાઈ ઉતારતા બિલ્ડર લોબીમાં સોપો પડી ગયો છે.
જાણવા મળતી વિગત અનુસાર ઇન્કમટેકસ વિભાગ દ્રારા અમદાવાદ અને ગાંધીનગરમાં આવેલા વિનાયક અને પીએસવાય ગ્રુપ ઉપર આવકવેરા વિભાગના દરોડા ની કામગીરી સવારથી ચાલુ થઈ છે આ મેગા સર્ચ ઓપરેશનમાં અમદાવાદ ,સુરત ,વડોદરા ઉપરાંત સૌરાષ્ટ્ર્રના અધિકારીઓ પણ જોડાયા છે. રાજકોટ થી ૪૦ જેટલા અધિકારીઓ અને ઇન્સ્પેકટર આ દરોડા માટે ગઈકાલે સાંજે જ અમદાવાદ પહોંચી ગયા હોવાનું જાણવા મળી રહ્યું છે.


સૂત્રોમાંથી મળતી વિગત અનુસાર ગાંધીનગર ખાતે આવેલા પીએસવાય ગ્રુપની ઓફિસ તેમજ તેની સાથે સંકળાયેલા ભાગીદારો અને અન્ય લોકોને ત્યાં દરોડા પડા છે.બંકીમ જોશી અને નિલય દેસાઈ, વિક્રાંતપુરોહિત સહિતના ભાગીદારોને દરોડાની કામગીરી ચાલી રહી છે. ગાંધીનગર સેકટર ૮, ૨૧ સહિતના એરીયાઓમાં ઇન્કમટેકસ ટુકડીઓ પહોંચી છે. ગાંધીનગરમાં એક સાથે ૨૫ થી વધુ જગ્યા અને અમદાવાદમાં પણ વિનાયક ગ્રુપ ની ઓફિસ સહિતના સ્થળો પર આવકવેરા વિભાગ દ્રારા તપાસનો ધમધમાટ ચાલી રહ્યો છે.ઇન્કમટેકસના ૧૦૦થી વધુ અધિકારીઓ તપાસમાં જોડાયા છે.તપાસના અંતે મોટાપાયે બિનહિસાબી વ્યવહાર મળે તેવી સંભાવના છે. હજુ ગાંધીધામમાં શ્રીરામ અને કિરણ રોડલાઇન્સ ગ્રુપ ને ત્યાં ગયા અઠવાડિયે દરોડામાં ૨૫૦ કરોડના બિન હિસાબી વ્યવહાર ઝડપી લીધા હતા.