ભારત તેનો સૌથી અધતન સંચાર ઉપગ્રહ, જી–સેટ–એન૨ (જે જી–સેટ –૨૦ તરીકે પણ ઓળખાય છે) લોન્ચ કરવા માટે તૈયાર છે. આ ઉપગ્રહ અમેરિકાના કેપ કેનાવેરલથી સ્પેસએકસના ફાલ્કન ૯ રોકેટથી લોન્ચ કરવામાં આવશે. ઈન્ડિયન સ્પેસ રિસર્ચ ઓર્ગેનાઈઝેશન (ઈસરો) દ્રારા વિકસિત આ ઉપગ્રહનું વજન લગભગ ૪,૭૦૦ કિલો છે અને તે ભારતીય રોકેટ માટે ખૂબ જ ભારે હતો. ભારતીય રોકેટનો ઉપયોગ કરીને તેને લોન્ચ કરી શકાયો ન હોવાથી, તેને વિદેશી કોમર્શિયલ લોન્ચ દ્રારા તૈનાત કરવામાં આવી રહ્યો છે.
આ પ્રક્ષેપણ ઈસરોની વ્યાપારી શાખા, ન્યૂ સ્પેસ ઈન્ડિયા લિમિટેડ (એનએસઆઇએલ) દ્રારા કરવામાં આવી રહ્યું છે. આ એનએસઆઇએલનો બીજો વ્યાપારી ઉપગ્રહ હશે, જે ભારતીય પ્રદેશોમાં પહેલેથી જ સેવા આપતા ૧૧ ઉપગ્રહોને પૂરક બનાવે છે. લોન્ચ માટે, એનએસઆઇએલએ સ્પેસ એકસને લગભગ ૫૦૦ કરોડ પિયા ચૂકવ્યા છે. સ્પેસ એકસ સાથે ભારતનું આ પ્રથમ કોમર્શિયલ લોન્ચ સહયોગ છે. નિષ્ણાતો માને છે કે આ ભાગીદારી ભવિષ્યમાં વધુ કોમર્શિયલ લોન્ચ માટે માર્ગ મોકળો કરી શકે છે.
એકવાર કાર્યરત થયા પછી આ ઉપગ્રહ ભારતના દૂરના વિસ્તારોમાં ડેટા અને ઇન્ટરનેટ સેવાઓ પ્રદાન કરશે. વધુમાં, તે વિમાનમાં સવાર મુસાફરો માટે ઇન–લાઇટ ઇન્ટરનેટ કનેકિટવિટી સક્ષમ કરશે. જો કે આ સેટેલાઇટ–આધારિત ઈન્ટરનેટ સેવાઓ સંપૂર્ણપણે ઉપલબ્ધ થવામાં થોડો સમય લાગી શકે છે, કારણ કે સેવા પ્રદાતાઓએ લાઇસન્સ મેળવવાની જર પડશે અને એરક્રાટને સેટેલાઇટ સિસ્ટમ સાથે જોડાવા માટે તૈયારીની જર પડશે.
એક અહેવાલ અનુસાર, ઈસરોના યુઆર રાવ સેટેલાઇટ સેન્ટરના ડાયરેકટર ડો. એમ. શંકરનએ જણાવ્યું હતું કે આ સ્વદેશી રીતે વિકસિત સેટેલાઇટ ભારતમાં લાઇટમાં ઇન્ટરનેટ કનેકિટવિટીમાં નોંધપાત્ર અંતરને દૂર કરશે. અત્યાર સુધી ભારતીય હવાઈ ક્ષેત્રમાં પ્રવેશતી આંતરરાષ્ટ્ર્રીય લાઈટને ઈન્ટરનેટ સેવાઓ બધં કરવી પડતી હતી, કારણ કે ભારતમાં આવી સેવાઓને મંજૂરી ન હતી