શાહરૂખ ખાનનો કોઈ એવો ચાહક નથી કે જેણે હાથ ફેલાવીને અભિનેતાનો સિગ્નેચર પોઝ ન આપ્યો હોય. સમગ્ર વિશ્વમાં કિંગ ખાનના ચાહકો તેમના પ્રત્યેના તેમના પ્રેમને વ્યક્ત કરવા માટે તેમના આઇકોનિક પોઝ આપતા છે. પરંતુ એ વાત ભૂ ઓછા લોકો જાણે છે કે તેમનો આઇકોનિક પોઝ કેવી રીતે બનાવવામાં આવ્યો હતો. તાજેતરમાં જ અભિનેતાએ આ પાછળની વાત કહી હતી.

શાહરૂખ ખાનને બોલિવૂડનો રોમેન્ટિક કિંગ કહેવામાં આવે છે. તે જેના માટે સૌથી વધુ જાણીતો છે તે તેનો સિગ્નેચર પોઝ છે. તેણે દિલવાલે દુલ્હનિયા લે જાયેંગે, કભી ખુશી કભી ગમ, કભી અલવિદા ના કહેના, કલ હો ના હો, હેપ્પી ન્યૂ યર અને સ્વદેશ જેવી ફિલ્મોમાં પોતાનો સિગ્નેચર પોઝ આપ્યો છે. એટલું જ નહીં  જ્યારે તે તેના બંગલા મન્નતમાંથી ચાહકોને મળે છે ત્યારે પણ તે જ પોઝ સાથે તેમનું અભિવાદન ઝીલે છે.

પરંતુ શું જાણો છો કે શાહરૂખ ખાનનો આ સિગ્નેચર પોઝ કેવી રીતે બનાવવામાં આવ્યો હતો. તાજેતરમાં ફિલ્મ ફેસ્ટિવલમાં સન્માનિત પઠાણ અભિનેતાએ આ આઇકોનિક પોઝ પાછળની વાર્તા સંભળાવી. તેણે કહ્યું કે આ આઇકોનિક પોઝને રિક્રિએટ કરતા પહેલા તે પોતાની જાત પર શરમ અનુભવતો હતો અને આખી રાત પ્રેક્ટિસ કરતો હતો.

ડીપ્સ ન કરવાને કારણે શાહરૂખ નારાજ હતો

90 ના દાયકામાં, હિન્દી ફિલ્મોમાં ડીપ ડાન્સ ચોક્કસપણે સામેલ હતો, પરંતુ શાહરૂખ ખાનને તે આવડતો ન હતો. ત્યારે તેના માટે એક અલગ પોઝ બનાવવામાં આવ્યો હતો. શાહરૂખ ખાને ફિલ્મ ફેસ્ટિવલમાં કહ્યું, "હું ડીપ ડાન્સ કરી શકતો ન હતો, જેના કારણે હું મારી જાત પર ખૂબ જ શરમ અનુભવતો હતો. હું આખી રાત મારા રૂમમાં પ્રેક્ટિસ કરતો હતો. બીજા દિવસે સવારે મને યાદ છે કે કોરિયોગ્રાફર સરોજ ખાનને કહ્યું, હું રેડી છું? તેણે કહ્યું 'હા, પણ તમે ડીપ નહી કરી શકો માટે તમે ઊભા રહો અને તમારા હાથ ફેલાવો.'

આ રીતે બનાવવામાં આવ્યો સિગ્નેચર પોઝ

શાહરુખ ખાને આગળ કહ્યું, "મેં તેના (સરોજ ખાન) માટે ડીપ ડાન્સ કર્યો પણ તેણે કહ્યું, 'ના ના, એવું ના કરો. તે તમને સારું નથી લાગતું.' તેથી તેઓએ મને ડીપ ડાન્સ ન કરવા દીધો અને મારે મારા હાથ ફેલાવવા પડ્યા. તે કરવું થોડું મુશ્કેલ હતું અને મેં ફરાહને કહ્યું ફક્ત આ જ સ્ટેપ કરી અને મેં એ સ્ટેપ રિપીટ કર્યો. શાહરૂખે આગળ કહ્યું, "હું તમને બધાને મૂર્ખ બનાવી રહ્યો હતો. એમાં કંઈ નથી. માત્ર હાથ ફેલાવવાના છે."